Министерството за земјоделство, шумарство и водостопанство (МЗШВ) информира дека во кратовско Таласманци, од страна на Шумската полиција запрено е возило кое превезувало огревно дрво во количина од 8,70 м3, управувано од лице вработено во Шумска полиција за кое по извршена контрола е утврдено дека е со несоодветни исправи и е одземено.

Настанот, како што информираат од МЗШВ, е регистриран вчера во 15:00 часот во м.в. Дупка, с.Таласманци, Kратовско.

При извршената контрола утврдено е дека лицето Ј.М. кое што управувало со возилото е вработено во Шумска полиција Крива Паланка и воедно е со несоодветни исправи, односно на самата испратница како возач на возилото наведено е друго лице со иницијали М.Ј. Од таа причина од страна на Шумската полиција возилото е привремено одземено и е предадено во ЈПНС Кратово до соодветна понатамошна постапка. Против вработеното лице ќе се спроведе постапка, одговорност за ова ќе има, се вели во соопштението од МЗШВ.

Од МЗШВ, порачуваат дека законот е ист за сите и дека одговорност за ова ќе има, како и дека продолжуваат максимално во стопирање на криминалот и нелегалната трговијата со дрво.

The post Вработен во Шумска полиција фатен со камион дрва без документација appeared first on Република.

Полициски службеници од ОВР Демир Хисар, во содејство со криминалистичката полиција на СВР Битола, на патот меѓу село Света и село Единаковци, на подрачје на Демир Хисар, го уапсиле Д.Т.(58) од Демир Хисар, вработен во Шумска полиција во Демир Хисар, осомничен за сторено кривично дело по чл.357 од КЗ „примање поткуп".

МВР информира дека Д.Т. од лице од Демир Хисар побарал пари, а за возврат да не постапи односно да не санкционира незаконско работење.

Откако му биле побарани пари, лицето го пријавило случајот во СВР Битола и му биле дадени крим-технички обработени пари, кои тој му ги дал на Д.Т.. Веднаш откако му биле предадени парите, Д.Т. е лишен од слобода и кај него се пронајдени 18.000 денари кои потекнуваат од кривичното дело. Д.Т. е приведен во полициска станица Битола и против него ќе следува кривична пријава, појаснуваат од МВР.

The post Земал 300 евра мито за да не пише казна, па го фатиле со бележани пари: Уапсен вработен во Шумска полиција во Демир Хисар appeared first on Република.

Министерот за земјоделство, шумарство и водостопанство Љупчо Николовски и Амбасадорот на Република Италија Н.Е Андреа Силвестри и Војниот Аташе за одбрана на Италија, г-дин Стефано Анџиони, во присуство на раководителката на Секторот Шумска Полиција, Аница Симеоновска и командирот на шумско-полициската станица Горан Трајков, денеска лично им ги врачија униформите и опремата на шумските полицајци од шумско-полициската станица во Штип. Овој настан е само продолжение на успешната реализација на договорот за донација на униформи и опрема, за потребите на македонската Шумска полиција, од страна на италијанските Карабинери.

Постапката за оваа огромна донација започна во декември 2017 година, пратката пристигна кај нас летото 2022, а по завршените административни процедури,  започна нејзино распределување до шумско-полициските станици низ целата држава.

Вкупната бројка на донираните униформи и друга опрема е околу 46 000 парчиња,  во вредност од 4.2 милиони евра. Донирани се летни и зимски униформи, мантили, летни и зимски кошули, волнени џемпери, чорапи, маици, елеци, капи, високи и ниски чизми, спортски обувки, ранци, кабаници за дожд и друга дополнителна опрема за терен. Дел од опремата и униформите за Шумската полиција, може да биде наменета за територијалните противпожарни бригади, полицијата, армијата и дирекцијата за заштита и спасување, со оглед на тоа што донацијата е во огромни количини и содржи и противпожарна опрема, огноотпорни чизми, панталони и ракавици.

Министерот Николовски упати голема благодарност до италијанскиот амбасадор и карабинерите на Република Италија, искажувајќи почит и надеж дека соработката ќе продолжи и понатаму, преку твининг проекти и обуки за размена на искуства и учења со оглед на одличните резултати од теренските активности кои ги имаат постигнато италијанските Карабинери.

Минатата година, од буџетот на МЗШВ, нашите шумски полицајци за прв пат после 13 години добија по два сета зимски и летни униформи и чизми, во вредност од околу 15 милиони денари. Сега, преку донацијата на италијански Карабинери, шумската полиција ќе биде доопремена со сè што е потребно за нивно непречено извршување на задачите во бескомпромисната борба против организираниот криминал и нелегалната сеча, а министерството и понатаму ќе се грижи за континуирано подобрување на условите за работа на шумската полиција.

The post Николовски и амбасадорот Силвестри им ја врачија опремата на шумските полицајци од ШПС Штип, донација од италијанските Карабинери appeared first on Република.

Вчера во шумскиот појас во атарот на кичевското село Цветорача, полициски службеници од ОВР Кичево го лишиле од слобода Б.В.(24) од Кичево.

Тој бил затекнат од патрола на Шумската полиција и шумочуварската служба при нелегален транспорт на огревно дабово дрво што го вршел со џип. Притоа, во обид да бега, Б.В. со автомобилот удрил во службеното возило на Шумската полиција, а потоа нападнал службеник на Шумската полиција.

Против него, по целосно документирање на случајот, ќе бидат поднесени соодветни пријави.

The post Крадец на дрва бегал од полиција, се судрил со нивно возило, па се степал со нив appeared first on Република.

На 21.02.2022 околу 15:00 часот во близина на с.Крупиште, општина Карбинци, полициски службеници од Полициската станица Штип пронашле патничко возило без регистарски таблички, натоварено со огревни дрва без соодветна документација.

Возилото и дрвата биле одземени и предадени на Шумска полиција за понатамошна постапка.

The post Одземено возило без регистрација, било натоварено со дрва без соодветна документација appeared first on Република.