Кошаркарот на Денвер нагетс, Никола Јокиќ рано се истакна за уште една награда за МВП во НБА-лигата, објави „Basketball Reference“.

Според пресметките на американскиот портал за резултати, статистика и историја во НБА-лигата, шансите на Јокиќ за успех се 91,2%.

Најголем конкурент на Србинот е Џејсон Тејтум од Бостон селтикс.

Просеците на Србинот по 10 натпревари се 29,7 поени, 13,7 скока, 11,7 асистенции, 1,7 украдени топки и 1,0 блокирани шут.

Во изминатите четири сезони, Јокиќ три пати беше прогласен за најкорисен играч во најсилната кошаркарска лига на светот

The post Почеток е на сезоната а Јокиќ веќе е кандидат за МВП appeared first on Република.

Кошаркарот на Денвер нагетс, Никола Јокиќ го постигна четвртиот последователен трипл-дабл сезонава во НБА-лигата.

Србинот ноќеска во победата над Далас со 122:120, постигна 37 поени, 18 скока и 15 асистенции за 38 минути поминати на теренот.

Јокиќ стана првиот играч во историјата на НБА кој постигнал најмалку 37 поени, 18 скока и 15 асистенции во еден натпревар.

Најдобар во гостинската екипа бешеБ Кајри Ирвинг со 43 поени, пет скока и пет асистенции.

Денвер со биланс седум победи и три порази се наоѓа на 4.место во Западната конференција, додека Далас има пет победи и исто толку порази и е на 11. позиција

The post Балканското дерби за Денвер, Јокиќ со нов трипл-дабл appeared first on Република.

Пелистер не успеа да стигне до втората победа во АБА2 лигата откако по голема борба загуби на домашен терен од Џокер со резултат 77-81. Битолчани имаат за што да жалат, особено ако се знае дека имаа голема поддршка од трибините.

Тимот на Џокер е во соптвеност на еден од најдобрите играч на светот Никола Јоќиќ кој има прекар токму „џокер“.

Клубот го раководи неговиот брат.

The post Пелистер загуби од тимот на НБА ѕвездата Никола Јокиќ appeared first on Република.

Најдобриот кошаркар на планетата  Никола Јокиќ повторно направи „хаос“ на теренот со својата неверојатна игра, втор трипл-дабл натпревар оваа сезона. Тој беше убедливо најдобар во втората победа сезонава на Денвер Нагетс над Бруклин Нетс по продолжение, 144:139.

Откако претходната вечер постигна 40 поени, Никола продолжи да постигнува нешто послабо и денеска, но беше многу подобар во сите останати сегменти од играта, зграпчувајќи 16 скока и поделувајќи неверојатни 18 асистенции.

Јокиќ на овој меч ги постигна сите кошеви од рекетот, каде што шутираше со успешност од 9 од 16, додека на пенал се најде далеку повеќе од претходната вечер, а оттаму имаше 11 удари од 13. обиди.

The post Joкиќ со нов трипл-дабл, ситe кошеви ги постигна од рекетот appeared first on Република.

Актуелниот МВП на НБА лигата, Никола Јокиќ го окарактеризира поразот од Американците во полуфиналето на Олимписките игри во Париз како најголем во кариерата.

„Тоа беше добар натпревар. Веројатно најтежок пораз во мојата кариера досега. Голема шанса, но… На крајот не победија. За луѓето тоа е нормален пораз, за нас кои бевме на теренот, тоа сигурно беше најтешкиот пораз во нашите кариери“, им изјави Јокиќ на новинарите во Абу Даби.

Јокиќ беше прашан и за (потенцијалното) заминување на селекторот Светислав Пешиќ од клупата на Србија.

„Па, не знам… Јас секогаш имам добри односи со тренерот и, нормално, сакам да остане. Мислам дека зависи од него, не од нас, па сигурно, ако тој е тренер, ние ќе даде се од себе на теренот. Ако реши да не продолжи, мислам дека сигурно ќе го поддржиме, бидејќи мислам дека направи голема работа за нашата кошарка во изминатите неколку години“, додаде Јокиќ.

The post Јокиќ: Поразот од САД најтежок во кариерата appeared first on Република.

Никола Јокиќ го покажа луксузниот дом во  Колорадо сместен во срцето на Cherry Hills.Имотот е чист луксуз, елеганција и дизајн што беспрекорно ги спојува естетиката и функционалноста, создавајќи простор за живеење што ја отсликува суштината на кошаркарската икона.

Со 29 соби, надворешна оаза и најсовремена технологија за паметен дом, имотот има 12.271 квадратни метри.

Елегантниот влез во оваа луксузна вила се одликува со импозантни бели колони, сложени архитектонски детали и големи стаклени врати, сето тоа поставено на позадината на есенските лисја и чистото сино небо. Класичен дизајн со големи заоблени прозорци и добро одржувано уредување ја дефинираат надворешноста на домот.

Пространата дневна соба го истакнува елегантен мебел, голем камин и сложена ѕидна уметност под впечатлив лустер. Софистицираниот простор за седење во непосредна близина на дневната соба прикажува фини детали и удобен мебел.

Елегантната дневна соба се одликува со високи тавани, голем лустер, софистициран декор со голем, сложено врежан ѕиден панел над каминот и скали од ковано железо кои гледаат на просторот од горното ниво. Дневната соба прикажува луксузен лустер, мермерни столбови и детални сводови кои водат до елегантно назначената трпезарија.

Прилагодените бели кујнски единици со сложени детали обезбедуваат доволно простор за складирање и додаваат допир на софистицираност. Најсовремените апарати, гранитни површини и островот ја комбинираат функционалноста со стилот во добро уредена кујна.

The post Чист раскош: Никола Јокиќ ја покажа куќата во Колорадо appeared first on Република.

Никола Јокиќ е познат како голем љубител на скапи рачни часовници, а последниот од серијата е и најскап.
Зглобот на кошаркарот неодамна го краси т.н „одемарско прасе“ (АП) во розово злато, чија пазарна цена изнесува неверојатни 73.000 евра.

Покрај овој додаток, Јокиќ поседува и неколку скапи спортски „ролекс“, еден „картие“ и „ибло“ („хаблот“). Така, еден од златните „ролекс“ чини 50.000 евра.

https://republika.mk/sport/kosarka/ne-se-za-nego-luksuz-i-more-jokik-mu-podari-na-tatkoto-vila-od-100-milioni-dolari/

The post Никола Јокиќ има часовници вредни 200.000 евра appeared first on Република.

Најдобриот кошаркар на светот Никола Јокиќ не сака луксуз. За него е доволен имотот во родниот Сомбор и коњите кои ги обожува. Популарниот Џокер вели дека никогаш не оди на одмор на море и оти тоа не го интересира.

Тој дури му го подари на таткото луксузниот имот во италијански стил во Аризона кој чини 100 милиони долари.

Секоја чест Никола.

The post Не се за него луксуз и море: Јокиќ му подари на таткото вила од 100 милиони долари appeared first on Република.

Страхиња Јокиќ, братот на Никола Јокиќ, беше уапсен поради напад на маж на натпреварот од плејофот во НБА лигата помеѓу Денвер и Лејкерс.

Страхиња беше обвинет за напад и прекршок од трет степен и се појави во Окружниот суд во Денвер во вторникот, според судските записи, како што објави Денвер пост.

За потсетување, полицијата за инцидентот дозна преку видео на TikTok на кое се гледа како браќата Јокиќ се расправаат со еден од фан.

Еден детектив од Денвер го интервјуирал навивачот три дена по натпреварот на 22 април и забележал дека има исеченици и модринки околу и под левото око.

Мажот во полиција изјавил дека братот на Јокиќ го удрил со тупаница по лицето. Полицијата подоцна го идентификувала Страхиња Јокиќ преку неговата тетоважа на вратот.

Иако мажот прво не сакал да го тужи Страхиња, пред два месеци се предомислил. Јокиќ истакна дека од нападот на човекот што го удрил, „одбранил постар човек, кого го познава долго време“.

The post Уапсен братот на Никола Јокиќ appeared first on Република.

Братот на српскиот кошаркар Никола Јокиќ, Страхиња, уапсен е и обвинет за напад на натпревар на Денвер Нагетс, каде удрил човек во лице.

The post Уaпсен братот на Никола Јокиќ: Се терети за напад appeared first on Република.

Суперѕвездата на Денвер Нагетс, Никола Јокиќ, изгледаше крајно разочарано и не сакаше да даде конкретен одговор на прашањето дали ќе игра за Србија на Олимпијадата во Париз.

Србинот беше прашан токму тоа по тешкиот пораз од Минесота со 90-98 во решавачкиот натпревар бр.7 од серијата што ги елиминира Нагетс од трката за титулата во НБА уште во полуфиналето на Западната конференција.

-Се уште не знам дали ќе играм за Србија на Олимпијадата. Ќе видиме. Морам да размислам за тоа, изјави популарниот Џокер.

Трикратниот МВП на НБА лигата ќе има околу два месеци одмор пред Олимпијадата, но се уште не е сигурен за неговото учество. Србија е една од земјите кои веќе обезбедија место за Игрите во Париз, извлечена во групата „Ц“ заедно со САД, Јужен Судан и победникот на квалификацискиот турнир во Порторико.

Јокиќ во текот на својата МВП сезона оваа година имаше просек од 26,4 поени, 12,4 скока и 9,0 асистенции, а во плејофот се истакна со 28,7 поени, 13,4 скока и 8,7 асистенции.

The post Јокиќ: Не знам дали ќе играм на Олимпијадата appeared first on Република.

Кошаркарите на Денвер Нагетс го доживеаја најтешкиот пораз во историјата на франшизата кога е во прашање НБА плеј-офот. Минесота Тимбервулвс го совлада тимот на Колорадо со 115:70 и со тоа го доби седмиот натпревар од полуфиналната серија.

Никола Јокиќ мечот го заврши со 22 поени, девет скока и две асистенции. Сепак, најголем проблем на Денвер е фактот што „двоцифрени“ беа само Арон Гордон (12) и Џамал ​​Мареј (10).

-Мораме да прифатиме дека ова е голем пораз. Не победија, нè уништија и мораме да научиме од ова. Мораме да почитуваме се што направија. И, погледнете, имавме резултат 9-2 на почетокот. Не изгледаше така добро за нив. Од тој момент играта стана еднотимско шоу, изјави Јокиќ по поразот.

Трикратниот МВП истакна и како од почетокот најави интересна серија против Минесота.

-Оваа серија е многу интересна, тоа го кажав и пред почетокот. Секој може да победи како гостин и тоа е она што го гледаме во моментов. Не се појавивме на овој натпревар, тие беа подобри од нас во секој сегмент. Дадовме едвај 70 поени, нивната одбрана беше фантастична. Бројките зборуваат сами за себе, објасни српскиот центар.

Одлучувачки фактор за ваков пораз беше очајниот шут од поле. Нагетс погодија само 30 проценти од нивните удари, што е навистина премногу ниско за плејоф натпревар.

-Покажаа дека се одличен одбранбен тим, тие се најдобрата одбрана во лигата со причина. Имавме свои шанси, но не ги искористивме, рече Јокиќ.

The post Mинесота го разби Денвер на Јокиќ appeared first on Република.

Никола Јокиќ брилираше ноќеска против Лејкерс и го предводеше својот Денвер Нагетс до предност во првото коло од плеј-офот, но привлече големо внимание уште пред самиот натпревар.

Имено, тој на натпреварот дојде облечен како Гру, популарниот лик од анимираниот филм „Despicable Me“.

Јокиќ е промотор на четвртиот дел од легендарниот филм, а ги воодушеви сите фанови на Минионите кога се појави во истата облека и со голема пругаста марама околу вратот, како Гру.

Веднаш откако Јокиќ влезе во салата облечен како Гру, се појави тизерот од филмот „Despicable Me 4“ во кој тој разговара со психотерапевт за проблемите со кои се соочува.

Имено, Минионите се убедени дека тој е нивниот шеф Гру, а тој залудно се обидува да ги разубеди.

Going to play basketball or going to steal the moon? pic.twitter.com/AeGmprCMhX

— Denver Nuggets (@nuggets) April 20, 2024

The post Јокиќ против Лејкерс дојде облечен како Гру appeared first on Република.

Првата ѕвезда на Лос Анџелес лејкерс, Леброн Џејмс искажа комплименти за центарот на Деневер, Никола Јокиќ.

Еден од најдобрите досега. Едноставно е таков. Јокиќ може се. Што е најважно, тој го менува начинот на кој неговите соиграчи размислуваат за сопствената игра. Кога некој може да ги инспирира другите да играат на ниво на кое не ни знаеле дека можат, тоа е доказ дека зборуваме за навистина одличен играч, рече Џејмс.

Лејкерси ќе се сретнат со Нагетс во 1. коло од плејофот, а дуелот Џејмс – Јокиќ предизвикува големо внимание кај светската кошаркарска јавност.

Првата средба во плејоф пресметките меѓу Лос Анџелес лејкерс и Денвер нагетс е закажана за утре.

The post Леброн: Јокиќ е еден од најдобрите на сите времиња appeared first on Република.

Српскиот кошаркар Никола Јокиќ продолжи да ги поместува границите во НБА и постави нов рекорд. Играчот на Денвер стана првиот играч во историјата на најсилната лига на светот кој постигнал повеќе од 8.000 поени, 4.000 скока и 3.000 асистенции во период од пет години во ова натпреварување.

Јокиќ рано утрово постигна 22 поени, десет асистенции и девет скока во поразот на неговиот тим од Феникс со резултат 104:97.

Денвер е бранител на шампионскиот трофеј во НБА-лигата.

Со биланс од 51 победа и 22 порази е лидер на табелата во Западната конференција

The post Joкиќ сруши нов рекорд appeared first on Република.

Никола Јокиќ имаше скромно издание за свои стандарди на почетокот на новата 2024-та година, но неговиот Денвер сепак запиша победа против Шарлот и славеше со 111:93.

Србинот го заврши мечот со 13 поени, 11 скокови и 6 асистенции, но покрај одбојкарското додавање кое го изведе, „Џокерот“ бил задолжен и за насмевки меѓу фановите.

За време на паузата, Денвер на видео-бимот ги проследил изјавите на ѕвездите од првиот тим, а поставеното прашање било: Што би направиле ако имаат „временска машина“.

– Би се вратил во времето кога немаше видео снимки, телефони или било што друго.

– Сакам само да видам како живееја луѓето претходно, кога не можевте да му се јавите на никого, – гласи пораката на Јокиќ која предизвика насмевки од публиката.

The post Joкиќ: Посакувам да се врати времето без мобилни телефони appeared first on Република.

Никола Jокиќ со фамилијата живее во селото Чери Хилс, Колорадо, тивко место многу блиску до Денвер (16 км).

Јокиќ за ова чудо пред две години платил 4,5 милиони долари, а ако им се верува на информациите на ТикТок, вилата има дури 1.112 метри квадратни. Во вилата има дури 29 соби, има и домашно кино, терени за баскет и базен

The post Никола Јокиќ живее во вила со 29 соби appeared first on Република.

Центарот на Денвер нагетс, Никола Јокиќ и бекот на Бостон селтикс, Џејсон Тејтум, се прогласени за најдобри кошаркари во октомври/ноември во нивните конференции.

Нагетс остварија 12 победи во 18 натпревари. Јокиќ кој е двократен МВП имаше просек од 29 поени, 13,2 скока и 9,2 асистенции додека шутираше 57,1% од поле и 31,6% надвор од лакот.

Селтикси победија на 14 од 18 средби. Тејтум имаше просек од 27,7 поени, 8,8 скока, 4,1 асистенции и 1,1 украдена топка на 49,4% од поле и 36,1% за три поени.

Во моментов Денвер нагетс со скор 14-7 (победи-порази) се наоѓа на 3. место во Западната конференција.

Бостон селтикс е лидер на Исток со биланс 15-5.

The post Јокиќ и Тејтум растураа два месеци appeared first on Република.

Со постигнати 32 поени, 15 асистенции и 10 скока, Никола Јокиќ му помогна на Денвер нагетс да слави победа (134:124) против Хјустон рано утрово на домашен терен.

Центарот на Нагетс, Никола Јокиќ го забележа својот 7-ми трипл-дабл сезонава. За 32 минути на паркетот Србинот беше прецизен во 12 од 19 обиди од поле и 7 од 8 од линијата за слободни фрлања.

Нагетс (13-6) се втори на Западот, Рокетс (8-8) се 8-ми.

За разлика од Денвер, Детроит загуби и тоа 15-ти пат по ред. Лејкерси му нанесоа висок пораз со 133:107.

Предводник до победата на гостите од Лос Анџелес беше Д'Анџело Расел со 35 поени, девет асистенции и четири скока.

Лејкерси (11-8) се искачија на 7. место на Западот, додека Детроит (2-16) се последни во Источната конференција.

The post Јокиќ со нов трипл дабл appeared first on Република.

Центарот на Денвер нагетс, Никола Јокиќ беше блиску до трипл-дабл синоќа на мечот со Сан Антонио (120:132). Србинот средбата ја заврши со 39 поени, 11 скока и девет асистенции со пет загубени топки.

Двократниот МВП сезонава, со 39 поени го повтори најдобриот резултат во тековната сезона.

Јокиќ шутираше 17 од 29 од поле и 5 од 5 од линијата за слободни фрлања за 34 минути поминати на паркетот.

Денвер кој е актуелен шампион во НБА-лигата по 17 одиграни натпревари има 11 победи и се наоѓа на 4. место во Западната конференција.

The post Jокиќ сруши нов рекорд appeared first on Република.