Меси Archives - Република

Меси продолжува да пишува историја – нов хет-трик за 11 минути

Билјана — Sun, 20 Oct 2024 08:13:25 +0000

Фудбалерите на Интер Мајами го потврдија првото место на табелата на Источната конференција на МЛС лигата, откако во последното коло од натпреварувањето пред плеј-офот ја совладаа Њу Ингланд Револушн (6:2). Натпреварот го одбележа маестралната игра на Лионел Меси.

Аргентинецот влезе во игра во 58. минута и од 78. до 89. минута успеа да постигне хет-трик. Тоа му е второ во последните пет дена, откако неодамна постигна гол за репрезентацијата во победата над Боливија.

Њу Ингланд водеше со 2:0 на натпреварот, бидејќи Лука Лангони погоди во втората минута, а потоа и Дилан Бореро.

Сепак, на крајот од првото полувреме Луис Суарез постигна два гола и го доведе својот тим до израмнување – 2:2.

Интер поведе со голот на Бенџамин Кремачи, а потоа Меси со хет трик стави точка на натпреварот.

Меси оваа сезона го предводеше Интер Мајами до рекорден број на бодови за клубот – 74. Покрај тоа, сезонава забележа 20 гола и 10 асистенции на 19 одиграни натпревари.

Интер Мајами како првопласирана го прескокнува првото коло од плејофот, а во осминафиналето ќе се сретне со подобриот од дуелот меѓу Атланта и Монтреал.

The post Меси продолжува да пишува историја – нов хет-трик за 11 минути appeared first on Република.

Дибала ја зема „десетката“ на Меси во аргентинската репрезентација

Сани — Fri, 06 Sep 2024 06:08:54 +0000

Пауло Дибала ќе игра во дресот со број 10 на следните два натпревари на Аргентина, додека Лионел Меси е надвор од теренот.

Фудбалерот на Рома ќе го отфрли бројот 21 и ќе ја носи првата десетка кога ќе биде домаќин на Чиле на 6 септември и ќе и гостува на Колумбија четири дена подоцна во квалификациите за Светското првенство во 2026 година.

Фудбалската репрезентација на Аргентина ќе биде без Лионел Меси и Анхел Ди Марија во исто време на официјален натпревар од 2013 година. Ова дојде откако беше објавен составот за натпреварите против Чиле дома во четврток и на гостувањето кај Колумбија следниот вторник во квалификациите за Светското првенство во 2026 година.

Отсуството на двојката од тимот на Лионел Скалони не е изненадување бидејќи Меси не играше поради повреда во финалето на Копа Америка во кое Аргентина ја победи Колумбија со 1:0 на 14 јули. Тој се здоби со повреда на десниот скочен зглоб и дури минатата недела почна да тренира.

Аргентина последен пат беше без Меси и Ди Марија на 15 октомври 2013 година во нивниот пораз со 2:3 на гости од Уругвај во последното коло од квалификациите за Светското првенство во Германија 2014 година.

Меси и Ди Марија се олимписки шампиони од 2008 година, а заедно се 16 години во тимот на Аргентина, а неодамна ја освоија и Копа Америка.

The post Дибала ја зема „десетката“ на Меси во аргентинската репрезентација appeared first on Република.

Koja e Кејлин, поранешната фудбалерка што го маѓепса Меси

Игор Чавески — Tue, 18 Jul 2023 12:41:49 +0000

Промоцијата на Лионел Меси во Интер од Мајами предизвика големо внимание ширум светот, особено во МЛС лигата, чии навивачи со воодушевување го гледаат Аргентинецот во живо!

Меси на презентацијата се појави во друштво на своето семејство, тука беа и сите водечки луѓе на Интер, меѓу кои и Дејвид Бекам, како и атрактивната русокоса Кејлин Кајл, која го „украде шоуто“ за време на церемонијата.

Станува збор за екс канадска фудбалерка кој моментално работи како новинар во Интер и кој, судејќи по фотографиите и видеата, оставил впечаток кај Меси.

Кејлин има 40 години и во 2012 година го освои златото со канадската репрезентација на Олимписките игри во 2012 година, а во брак е со поранешниот фудбалер Харисон Хит, со кој има две деца.

Со оглед на тоа што добро го познава и фудбалот, а има и атрактивен изглед, нема дилема дека Интер го направи вистинскиот потег кога еднаш ја ангажираше да работи како водителка во клубот.

The post Koja e Кејлин, поранешната фудбалерка што го маѓепса Меси appeared first on Република.

Ривалот на клубот на Роналдо, почна да продава дресови од Меси

Сани — Sun, 01 Jan 2023 20:35:17 +0000

Моментално двајцата најдобри играчи Лионел Меси и Кристијано Роналдо се ривали веќе 15 години.

Двајцата играчи речиси две децении се на врвот во светскиот фудбал, а сега играат на различни страни.

Меси со успех го носи дресот на ПСЖ, додека Роналдо се пресели во Ал Наср, потпишувајќи богат договор.

И додека Ал Наср се подготвува за дочек на Португалецот, ривалот на овој тим Ал Хилал почна да продава дресови од Лионел Меси со број 10. Овој клуб се надева дека ќе успее да го примами Аргентинецот да дојде во тој клуб.

извор: Екипа

The post Ривалот на клубот на Роналдо, почна да продава дресови од Меси appeared first on Република.

Дали Меси на француските навивачи ќе им го покаже трофејот кој толку многу го посакуваа?

Игор Чавески — Mon, 26 Dec 2022 15:07:58 +0000

Напаѓачот на Пари Сен-Жермен, Лионел Меси не побарал од клубот да му даде можност да го покаже трофејот од Светското првенство во 2022 година на домашниот стадион на парижаните, напиша новинарот на „RMC Sport“, Артур Перо.

На 22 декември се појави информација дека 35-годишниот Аргентинец сака да им го претстави пехарот од Светското првенство на француските навивачи на следниот домашен натпревар на парижаните.

Беше објавено дека Меси побарал од управата на ПСЖ да го дозволи тоа, но клупските газди се исплашиле од реакцијата на навивачите.

Меси со репрезентацијата на Аргентина ја победи Франција (3:3, 4:2 по пенали) во финалето на Светското првенство 2022 година и првпат во кариерата го освои овој трофеј.

Првиот домашен натпревар на ПСЖ по паузата ќе го одигра на 28 декември. Тимот во 16. коло од Лига 1 ќе игра против Стразбур.

The post Дали Меси на француските навивачи ќе им го покаже трофејот кој толку многу го посакуваа? appeared first on Република.

Реакцијата на расплаканиот Меси по освоениот трофеј го обиколи светот

Nena — Sun, 18 Dec 2022 18:41:07 +0000

Меси постигна два гола во финалето на Светското првенство, а потоа ја презеде одговорноста во пенал рулетот и рутински го изведе првиот пенал.

Големиот Лионел Меси денеска конечно ја освои титулата светски првак. Меси по натпреварот заплака, а неговиот емотивен настап брзо го обиколи светот.

MESSI IN TEARS pic.twitter.com/H8KgzErzdk

— Messi Media (@LeoMessiMedia) December 18, 2022

The post Реакцијата на расплаканиот Меси по освоениот трофеј го обиколи светот appeared first on Република.

Меси и Аргентина се нови светски шампиони!

Сани — Sun, 18 Dec 2022 18:07:50 +0000

Аргентина е нов светски фудбалски шампион откако во финалето на Мундијалот во Катар ја совледа Франција со 4-2 по изведувањето пенали.

Франција не успеа да го одбрани тронот, двапати се враќаше во натпреварот, но на пеналите беше немоќна. Аргентина го имаше Емилијано Мартинез кој одбрани еден пенал, и еден беше промашен за светската круна.

Аргентина од почетокот создаваше шанси, а таквата игра им се исплатеше после 22 минути. Анхел Ди Марија падна во шеснаесетникот, а судијата Марчињак покажа на белата точка. Меси беше сигурен реализатор. Продолжи Аргентина да биде подобрата репрезентација и на сцена повторно стапи Анхел Ди Марија во 36. минута кога по додавањето од Мекалистер реализраше за 2:0.

На полуврме се замина со 2-0 во корист на Аргентина.

Марчињак во 80. минута повторно покажа на белата точка, овојпат за Франција. Мбапе беше сигурен реализатор на ударот од белата точка. Со првиот гол Мбапе се израмни со Меси на листата најдобри стрелци на Мундијалот, а само една минута подоцна со втор гол донесе изедначување и голема радост за Франција.

Се играше 109. минута од натпреварот кога по шутот на Лаутаро Мартинез топката се одби до Меси кој се најде на вистинското место и погоди за трет гол на Аргентина. Во 116. минута Франција доби нов пенал поради игра со рака во шеснаесетникот и повторно Мбапе застана на белата точка, не погреши и со хет-трик донесе ново изедначување.

Мбапе со својот трет пенал на натпреварот застана прв кај Французите и по третпат беше сигрен. Меси веднаш изедначи, а првиот кој промаши беше Кингли Коман во втората серија кај Франција. Дибала по средината го матираше Лорис за водство на Аргентина. Чуамени катастрофално лошо шутираше во третата серија, промаши цел гол и тука веќе се најавуваше големата победа на Аргентина. Паредес стрелаше за Аргентина, а Коло Муани остави трошка надеж за Французите. Сепак се беше готово кога во следниот пенал Акуна реализираше за светска титула.

The post Меси и Аргентина се нови светски шампиони! appeared first on Република.

Аргентина е повторно на чекор до титула со голот на Меси во 109. минута

Сани — Sun, 18 Dec 2022 17:44:37 +0000

Лионел Меси ја носи Аргентина во ново водство во 109. минута од натпреварот од 3-2 откако стрелаше и повторно ја одведе на чекор до титула во финалето на Светското првенство во Катар во мечот против Франција.

Неверојатниот Аргентинец го постигна својот седми гол на шампионатот.

The post Аргентина е повторно на чекор до титула со голот на Меси во 109. минута appeared first on Република.

Аргентина има предност од 2-0 на полувремето против Франција

Сани — Sun, 18 Dec 2022 16:00:22 +0000

Аргентина има голема предност од 2-0 на полувремето против Франција и е блиску до светскиот фудлалски трон.

Аргентинците подобро го отворија мечот, од самиот старт ја контролираа играта и создаваа полу шанси.

Во 22. минута Дембеле го сруши Ди Марија во казнетиот простор, судијата покажа пенал, а сигурен реализатор беше Меси.

Десет минути подоцна Аргентина изведе одлична полуконтра која со гол ја заврши Ди Марија за предност од 2-0.

Франција беше целосно индиспонирана и го одигра најлошото полувреме, без да создаде ниту една шанса.

The post Аргентина има предност од 2-0 на полувремето против Франција appeared first on Република.

Започна Аргентина-Австралија, 1000 меча за Меси

Игор Чавески — Sat, 03 Dec 2022 19:28:45 +0000

Аргентинскиот напаѓач Лионел Меси вечерва го игра осминафиналниот натпревар на Светското првенство 2022 година против селекцијата на Австралија. Триесет и петгодишниот Аргентинец слави јубелеј – 1.000-ти натпревар во својата професионална кариера.

Меси најголемиот дел од кариерата го помина во Барселона. За шпанскиот клуб одигра 778 натпревари.

За сегашниот негов клуб, ПСЖ одигра 53 натпревари, а уште 168 пати беше на теренот како дел од репрезентацијата на Аргентина.

Лионел Меси има постигнато 788 голови

The post Започна Аргентина-Австралија, 1000 меча за Меси appeared first on Република.