Познатиот германски бренд „Лидл“ во Штип е заинтересиран за отворање на маркети на две локации. Градоначалникот на Општина Штип, Иван Јорданов денеска на новинарско прашање, каде ќе биде лоциран „Лидл“ во Штип, одговори дека оваа компанија е заинтересирана за две локации, едната е спроти поранешното нервно одделение, каде што во моментов и интензивно се доградува и булеварот „Партизанска“, а втората е кај автобуската станица во Штип.

- На потегот кај булеварот „Партизанска“ веќе се работи на земјените работи, а втората локација од она што го добивме како информација од страна на оваа компанија е дека преговараат со сопственикот на објектот на Автобуската станица. Информациите исто така говорат дека Автобуската станица делумно ќе остане овде, нема да се дислоцира. Така да на еден дел на оваа површина најверојатно ќе се постави соодветен објект, каде што ќе биде и вториот маркет на „Лидл“, вели Јорданов.

Тој посочи дека во Штип на повеќе локации има инвестиции и градежни активности од приватни инвеститори, а нивна задача е како локална самоуправа да ги издаваат градежните одобренија и да размислуваат за развој на градот и нови вработувања.

The post „Лидл“ заинтересиран да отвори маркети на две локации во Штип appeared first on Република.

„Видете, компанијата е тука присутна веќе повеќе години. Од тоа што ни беше презентирано, повеќе од стотина милиони евра веќе се инвестирани и наша цел е од процентот којшто ни беше претставен дека ќе бидат застапени македонски производи на рафтовите на компанијата, тој процент да дојде многу скоро до 50 проценти, сега не би зборувал кој е тој процент, но е далеку од тоа ние што го очекуваме како Влада. Ние очекуваме минимум 50 проценти таму да има производи македонски на тие рафтови од македонски компании“, подвлече Христијан Мицкоски, претседател на Владата на Република Македонија денеска одговарајќи на новинарско прашање со кои проблеми се соочувал менаџментот на компанијата „ЛИДЛ“.

Премиерот Мицкоски посочи дека има нагорен тренд на извозот производи од македонски компании во „ЛИДЛ“ маркетите насекаде во Европа и потенцираше дека доколку се сака се може.

„Извозот кој што е сега добар, да речеме има нагорен тренд се дуплира, очекуваат од неколку стотини илјади евра во 2022 година, на два и пол милиона 2023 година, сега е 2024/2025 пет или шест милиони да биде извоз на производи од македонски компании во „ЛИДЛ“ маркетите насекаде во Европа да биде зголемен, да биде 10, 50 зошто да не и 100 и ценам дека доколку се сака се може“, кажа премиерот.

„Очекувам дека македонските производители заедно со раководството на компанијата „ЛИДЛ“ ќе работат во насока на постигнување на квалитетот, на нормите што ги побарува компанијата за цена којашто е прифатлива за македонските граѓани“, рече премиерот Мицковски и додаде:

„Јас ги охрабрувам, а ние како Влада се што е во наша моќ ние ќе испорачаме, без посредници, без провизии, без дај ми нешто па јас го знам овој оној во таа општина па ќе ви завршам работата, такви работи нема да има повеќе, такви пречки ќе нема, ние како Влада застануваме и секој оној којшто до сега мислел дека е некаков си посредник за олеснување на некого ќе мора да бара друга работа.“

The post Мицкоски: Со менаџментот на „ЛИДЛ“ маркети разговарав за условите за инвестирање, секој кој сака да вложи може тука да го стори тоа appeared first on Република.

Премиерот Мицкоски имал средба со дел од менаџментот на ЛИДЛ.

Тој по средбата напиша дека компанијата се соочувала со бројни проблеми со минатата влада и оти актуелната власт ќе направи се што е во нејзина моќ наскоро да бидат отворени првите маркети.

The post Компанијата „ЛИДЛ“ се соочувала со проблеми со претходната влада appeared first on Република.

Објектот на „Бриколаж“ во скопска Керамидница е целосно урнат. Деновиве, градежни машини го расчистуваат градежниот шут, а просторот се оградува за да почне изградбата на новиот маркет на германската компанија „Лидл“, која, пред неколку години, донесе одлука да инвестира во Македонија.

„Лидл“ е веќе присутен во Македонија, гради голем регионален дистрибутивен центар во Куманово, а, освен во Скопје, треба да отвори маркет и во околината на Битола.

Инаку, „Лидл“ е најголемиот европски синџир супермаркети, присутен е во 30 земји во Европа и во САД. Во Македонија, „Лидл“ ќе инвестира 80 милиони евра и треба да вработи над 150 луѓе.

The post „Лидл“ го урна објектот на „Бриколаж“ во скопска Керамидница appeared first on Република.

„Лидл Cеверна Македонија“ ДООЕЛ Скопје купи имот на „Скопски пазар“ АД Скопје во Општина Гази Баба кај локацијата на поранешен „Бриколаж“ за 9.564.485 евра.

За зделката информира „Скопски пазар“ согласно Глава 6 од Правилата за котација на Берзата.

Како предмет на големата зделка е наведена продажба на недвижен имот евидентиран на КП 1306/1 и КП 1306/2 КО Гази Баба и соодветно запишани на имотен лист 8882 КО Гази Баба и имотен лист 1077 КО Гази Баба. Вредноста на зделката е во апсолутен износ од 9.564.485 евра без вклучен ДДВ (или 588.911.166 денари без вклучен ДДВ), а релативен износ  од 19,30 проценти во однос на вредноста на имотот на друштвото, односно 25,04 проценти од вредноста на капиталот и резервите на друштвото определени врз основа на последните финансиски извештаи на друштвото.

Цената соодветствува со пазарната вредност на таков тип на зделки, наведува „Скопски пазар“ во објавата.

Надзорниот одбор на „Скопски пазар“ ја донел одлуката за големата зделка на 18 април годинава.

На локацијата што е продадена од неодамна се одвиваат подготвителни градежни активности.

„Лидл“ стартуваше со инвестиција во државава на 24 јануари годинава со изградба на логистичко-дистрибутивен центар во индустриската зона Речица. Најавената инвестиција за логистичкиот центар е 80 милиони евра  и треба да отвори повеќе од 150 работни места.

https://republika.mk/vesti/ekonomija/lidl-ofitsijalno-ja-pochna-svojata-prikazna-vo-makedonija-noviot-logistichki-tsentar-ke-otvori-150-rabotni-mesta/

The post Лидл го купи објектот на поранешен Бриколаж appeared first on Република.

Над 130 компании од државава биле запознаени со можностите за соработка со германски „Лидл“, кој веќе стартуваше со инвестиција за изградба на логистички центар во Куманово. Од компанијата соопштија дека овој тип на соработка со локални компании е еден од нивните основни постулати во секоја земја каде работат.

Стефан Георгиев, директор на секторот за набавка во „Лидл Македонија“, во пишана изјава вели дека основната идеја на „Лидл“ во сите земји во кои е присутен, претставува развој на локалните производствени капацитети и заеднички раст и развој со локалните партнери.

Иако, „Лидл Македонија“ се уште не е целосно оперативен, Георгиев посочува дека овој процес веќе активно функционира. Во октомври минатата година почнаа со проект за промоција на македонски традиционални производи во „Лидл Србија“ и „Лидл Бугарија“, каде што се претставени македонскиот ајвар, пастрмајлијата, кочанскиот ориз, тиквешкото вино, македонското јагне и многу други производи.

Извозот кој ќе го реализираме преку „Лидл Македонија“ до крајот на 2024 година само во овие две земји е во вредност повеќе од 2.000.000 евра или раст од четири пати во однос на минатата година. Вкусот на македонското овошје и зеленчук го направивме достапен до потрошувачите на „Лидл“ во Србија, Бугарија, Романија, Полска, Чешка, Словачка и Германија. Од април 2023 до март 2024 година беа извезени преку 3 600 палети овошје и зеленчук. Во рамките на календарската 2024 година со нашите локални добавувачи планираме извозот на овошје и зеленчук да достигне 4 500 палети. Наведените примери и резултати се мотивација за нас и движечка сила за понатамошен успех, вели Георгиев.

Рубријан Хаџиев, генерален директор на „Лидл Македонија“, пак, истакнува дека ќе бидат ценовно конкурентни, но оти основно ќе биде да соработуават со локалните компании.

Брендот на „Лидл“ е присутен во 31 земја. Како лидери во сегментот на секојдневно пазарување поставуваме стандарди кои ќе го зголемат квалитетот на понудата, а во исто време ќе бидеме ценовно конкурентни на пазарот. Но, основно за нас е да се соработува со локалните компании, посочува Хаџиев.

На 24 јануари годинава во индустриската зона Речица почна изградбата на логистичко-дистрибутивен центар. Најавената инвестиција е 80 милиони евра и треба да отвори повеќе од 150 работни места. Парцелата зафаќа површина од 170.997 метри квадратни, логистички центар од 63.000 метри квадратни и комплекс со главна зграда, административни канцеларии и напредна инфраструктура и ќе користи обновливи извори на енергија.

https://republika.mk/vesti/ekonomija/lidl-ofitsijalno-ja-pochna-svojata-prikazna-vo-makedonija-noviot-logistichki-tsentar-ke-otvori-150-rabotni-mesta/

„Лидл“ е дел од групацијата „Шварц“, присутен во 31 земја, со промет од 114 милијарди евра, 12 200 маркети и над 380 000 вработени

The post „Лидл“ го подготвува теренот за соработка со македонските компании appeared first on Република.

Current situation Lidl supermarkets in Luxembourg. Same situation in France and Belgium. No farmers, no food. pic.twitter.com/FyJqIKoheG

— RadioGenoa (@RadioGenoa) February 3, 2024

Фрижидерите во марктетите на „Лидл“ во Луксембург, Белгија и Франција се празни поради штрајкот на земјоделците. Може да се забележи дека нема месо, но и овошје и зеленчук.

The post Западните медиуми ова нема да го прикажат: Празни фрижидери во „Лидл“ поради шрајкот на земјоделците appeared first on Република.

Со поставувањето камен-темелник за големиот дистрибутивно-логистички центар, германската компанија „Лидл“ официјално ја почнува својата приказна во Македонија.

Овој центар ќе биде точката во и од која ќе се координира снабдувањето и работата на сите „Лидл“ маркети што ќе бидат отворени во земјава. Поставен на стратешка локација, долж Коридорот 10, односно патниот правец Атина - Белград, но и на исклучувањето на патот кон Бугарија, дистрибутивни-логистичкиот центар ќе се простирта на површина од 170 хектари во кумановската индустриска зона Речица.

Самиот објект ќе биде со површина од 64 илјади квадратни метри, а ќе има обезбеден простор за 100 камиони, како и 270 автомобили. Како што соопштија од комапнијата, инвестицајата е вредна 80 милиони евра, а предвидено е во овој дистрибутивно-логистички центар да бидат отворени 150 работни места.

Конструиран според современи технологии и приспособен за ефикасно работење во голем обем, логистичкиот центар ќе биде опремен со специјализирани машини, системи за автоматизација и логистичка опрема, целосно посветени на оптимизација на операциите. Објектот ќе исполнува високи еколошки стандарди и ќе биде опремен со фотолтаични панели кои ќе обезбедуваат 1,7 мегават часови електрична енергија.

Дополнително, за затворање на покривот ќе се користи материјал од рециклиран отпад, а внатре ќе се постави енергетски ефикасно ЛЕД осветлување. Објектот ќе се загрева со отпадна топлина од системот за ладење и целиот генериран отпад ќе се рециклира.

Според информациите од компанијата во моментов се одвива тендерската фаза за избор на генерален изведувач, а изградбата на логистичкиот центар ќе почне во следниот период.

Денеска ја претставуваме нашата најголема инвестиција во Македонија, нашиот логистички центар. Овде, заедно со нашиот тим, кој во моментов брои повеќе од 100 вработени, сакаме да го имплементираме искуството што го стекнавме во повеќе од 30 земји со ист стандард и ист квалитет. Ќе инвестираме околу 80 милиони евра само во изградба на логистичкиот центар за да создадеме модерен и одржлив објект, според најновите градежни стандарди. Лидл е одговорен, сигурен и фер партнер и за купувачите и за своите добавувачи. Дел од нашата корпоративна политика е воспоставување долгорочна и сигурна соработка со локалните производители“, изјави Рубријан Хаџиев, генерален директор на „Лидл“ Македонија.

Компанијата „Лидл“ е една од водечките компании во прехранбената индустрија во Германија и Европа. „Лидл“ моментално работи со над 12.200 продавници и повеќе од 220 логистички центри и магацини во 31 земја. Како супермаркет со пониски цени, „Лидл“ го вреднува оптималниот сооднос цена-квалитет за своите потрошувачи. Едноставноста и посветеноста кон процесот ги одредуваат секојдневните делувања во продавниците, регионалните дистрибутивни центри и услугите на компанијата. „Лидл“ во моментов има околу 376.000 вработени на меѓународно ниво.

The post „Лидл“ официјално ја почна својата приказна во Македонија: Новиот логистички центар ќе отвори 150 работни места appeared first on Република.

Во индустриската зона „Речица“ кај Куманово денеска ќе биде претставена најголемата инвестиција на меѓународниот малопродажен синџир „Лидл“ во Македонија.

Станува збор за подготвителни активности за изградба на логистички и диструбутивен центар на „Лидл“. Според најавите на компанијата, логистичкиот и диструбутивен центар ќе се простира на околу 200.000 метри квадратни, инвестицијата е вредна околу 80 милиони евра, а планирани се повеќе од 150 вработувања.

На настанот, покрај претставници на „Лидл“, ќе присуствуваат и премиерот Димитар Ковачевски, вицепремиерот Фатмир Битиќи, германската амбасадорка Петра Дрекслер и градоначалникот на Куманово Максим Димитриевски.

The post Почнува изградбата на „Лидл“ во Македонија appeared first on Република.

Во пресрет на доаѓањето на Нова година, во „Лидл“ во Германија настана вистински хаос за набавка на огномет. Снимки објавени на социјалната мрежа Тикток го покажуваат обемот на побарувачката.

Како што може да се види на едно од видеата, нетрпеливите потрошувачи стојат и ги подаваат рацете за работникот да им подаде кутија со огномет. А работниците, бидејќи нема ред, ги даваат производите по случаен избор.

@barrelo_twitch♬ Originalton - Barrelo

Како што пишува германски „Билд“, во филијалата на „Лидл“ во Хесен, полиците за огномет се испразнети за само неколку минути.

Генерално, побарувачката за огномет е исто така многу голема оваа година. Колегите добро се подготвија и брзо ги наполнија полиците со огномет во согласност со законските прописи“, изјавила портпаролката на „Лидл“ за германскиот весник.

Таа појаснува дека продажбата на огномет подлежи на строги законски барања. Затоа, најверојатно, ќе се појави на полиците само во ограничени количини. Вработените потоа постепено повторно ќе ја расчистат областа.

@grgorxo #fyp #kiefersfelden #lidl #feuerwerk ♬ Originalton - .

Минатата година оваа индустрија имаше рекордна продажба: Германците околу Нова година истурија 180 милиони евра во касата на производителите на пиротехника. Индустријата е оптимист и за оваа година, заклучува Билд.

The post Предновогодишен хаос во „Лидл“: Буквално „борба“ за еден производ appeared first on Република.

Хрватската агенција за земјоделство и храна во саботата објави дека државниот инспекторат го отповикал производот „Advent calendar 75g“ поради неозначениот алерген од кикиритки на производот, поради што малопродажниот синџир го повлече од малопродажба.

Производител на „Advent Calendar 75g“ со артикл броеви 5512509 и 5512510 е KDC Pomorzanka од Полска.

Со оглед на тоа што на производот не е означен алергенот од кикиритки, производот може да претставува ризик по здравјето на потрошувачите, а луѓето кои не се алергични и понатаму можат да го користат без ограничувања, објаснуваат од таму.

Lidl, исто така, ги информираше потрошувачите на својата веб-страница дека предметниот производ се повлекува од употреба бидејќи производителот не го навел алергенот од кикиритки на декларацијата и додаде дека ќе им ги врати парите на клиентите и без приложена сметка.

The post „Лидл“ во Хрватска повлекува еден производ appeared first on Република.

Поради огромните кражби, особено за време на божиќните празници, некои продавници на Лидл се одлучија за непопуларни мерки.

Вработените во Лидл во Велика Британија од крајот на ноември ќе мора да носат камери за телото. Подоцна оваа мерка ќе биде вклучена и во другите земји во Европа.

Лидл планира да ги натера своите вработени да носат камери за тело стандардно со цел ефикасно да се бори против кражбите во продавници.

Ова е драстичен, но можеби итно потребен чекор, велат од компанијата.

The post Во Лидл многу се краде: Вработените ќе носат камери на телото appeared first on Република.

Германскиот ланец маркети „Лидл“ пушти огласи за вработување во Македонија. Се бараат работници на неколку работни позиции.

Меѓу многуте огласи се бара и работник како регионален менаџер за продажба, виш регрутер, административен асистент и многу други работни места кои може да ги погледнете тука каде ќе може да видите и кои услови треба да ги исполнувате.

Инаку, компанијата конечно покажа и како изгледаат канцелариите на седиштето во земјава. Истите може да ги разгледате тука.

Од компанијата ги охрабруваат сите кои сакаат да работат кај нив да аплицираат и да станат дел од Лидл семејството.

The post Лидл почна да бара работници во Македонија appeared first on Република.

На социјалните мрежи се појави видео од нова масовна турканица во продавница на Лидл во Србија.

На снимката се гледа како луѓето се туркаат и се борат да дојдат на ред, а се слушаат и пцовки.

Како што се наведува во описот на видеото, причина за тоа што луѓето нагрнале на полиците е акција за попуст на апарат за вафли.

https://twitter.com/cvarciikacamak/status/1710553226938839541?t=XjpJvLqu6orl6KX4cPTvEA&s=07

The post Лидл во Србија повторно како бојно поле: Граѓаните во јуриш по апарат за вафли appeared first on Република.

Лидл Србија повлекува еден од своите производи бидејќи може да има штетно влијание врз здравјето на потрошувачите.

Ве известуваме за повлекување на производот „Со љубов домашно пченкарно брашно бело 500гр“ произведен од Интерпак, а го испорачува ДПС Клас, се вели во соопштението на компанијата.

Во тоа пченкарно брашно е откриено покачено ниво на микотоксин (Афлатоксин), кое доколку се консумира на подолг временски период може да има штетни ефекти, објаснува Лидл.

Поради оваа причина, доколку сте го купиле овој производ со рок на траење од 01.04.2024 година, ве повикуваме да го вратите производот во која било од нашите продавници. Рефундирањето ќе се изврши дури и без потврда“, беше објавено. известувањето се однесува исклучиво на производот „Со љубов Домашно бело пченкарно брашно 500гр“ со рок на употреба 1 април 2024 година. од производителот ДПС КЛАС ГРУП ДОО, останатите услови за користење на овој производ не се загрозени. Известувањето не се однесува на други производи од производителот ДПС КЛАС ГРУП ДОО кои се продаваат во Лидл Србија, ниту на производи од други производители“, се додава во соопштението на компанијата.

The post Лидл во Србија повлекува еден производ бидејќи има штетно влијание врз здравјето appeared first on Република.

Компанијата „Лидл“ ќе гради логистички центар во индустриска развојна зона во Горно Коњаре кај Куманово, објави Општина Куманово која информира дека вчера на јавно наддавање продаде земјиште на трговскиот ланец за изградба на логистички центар.

Компанијата купи површина од 17 хектари (170.996м2) за кои ќе плати 5,3 милиони евра.

На јавното наддавање по пат на електронска аукција учестувале 3 компании, а најповолен понудувач со највисока понудена цена имала „Лидл“, македонската подружница со седиште во Скопје.

Најповолната понуда изнесува 1906 денари за 1м2, или вкупно за 170.996м2 (~17ха) е 325.920.015 денари (~5,3 милиони евра), соопшти општината.

Како што е соопштено, по завршување на административната постапка за избор на најповолен понудувач и по исполнување на сите услови пропишани во јавниот повик, имотот ќе премине во сопственост на најповолниот понудувач по што ќе следува реализација на инвестицијата.

The post „Лидл“ ќе гради логистички центар кај Куманово appeared first on Република.

Германскиот трговски синџир “Лидл“ на 3 август почнува со градба на маркет во Битола, кој ќе се наоѓа кај кружниот тек во близина на старата млекарница, под Еврејските гробишта, објави локалниот портал Битола Њуз.

Градежниот простор е заграден и исчистен, а на поставената табла може да се прочита дека маркетот ќе се гради една година до 3 август 2024.

The post Битолчани за една година ќе пазарат во Лидл appeared first on Република.

Помпезно се најавуваше дека инвестицијата која наводно ја донела Владата, односно Лидл е инвестиција која ја обезбедила Владата, а не ја донесе. Во моментот влезот на Лидл е блокиран од државната власт. Врхушката од власта за тоа не знае, но го прават поединци коишто се добро поврзани на интерминистерско ниво помеѓу себе. Инвестицијата е блокирана, а всушност еве сега за таа работа да го прашате Ковачевски, самиот не знае. Во моментот го блокираше Министерство за транспорт и врски и времето ќе покаже кој стои позади оваа одлука, вели градоначалникот на Општина Куманово, Максим Димитриевски во гостување во Студио 10 на Телевизија 24.

Зошто не дозволуваат да се вцрта и да се измени моменталниот урбанистичкиот план, да се спојат маркиците каде што ќе се дозволи на инвеститорот да гради еден голем објект со инвестиција од над 80 милиони евра? Зошто тоа се прави, јавно прашува Димитриевски, потенцирајќи дека позади блокадата на оваа странска инвестиција во Куманово стојат намерите ова земјиште да се купи по принцип како во минатото за евро и пол, а потоа да се препродава на трети лица кои ќе инвестираат во индустриската зона.

“Ако е успешна инвестицијата, земјиштето ќе се продаде сигурно над 20-30 евра по метар квадратен на странскиот инвеститор по пат на лицитација. Но ако немате странска инвестиција таму, тоа земјиште ќе остане и ќе го купуваат како што го купуваа претходно некои инвеститори блиски и до нив и до ВМРО-ДПМНЕ за по едно и пол евро по метар квадратен. Првично земјиштето го купи фирма блиска до ДУИ, којашто понатаму ја препродаде на втори и трети лица и тие денеска инвестираат во индустриската зона”, дополнува градоначалникот Димитриевски.

The post Димитриевски: Високи структури во власта намерно го блокираат влезот на Лидл во Куманово appeared first on Република.

Утринава, во маркетот „Лидл“ во Лесковац имало „нова тажна ситуација“ снимена на камерата во супермаркетот, кога муштериите, главно пензионери, се грабале за свинска плешка од 200 денари на распродажбата, па дури и почнале да си скокаат еден на друг, пренесува порталот„ Решетка“.

https://youtu.be/hHf_KilaJKM

„Работата е што не само што беше евтина, туку постоеше огреничување на само три килограми. Оваа слика е тажна и покажува колку ‘добро’ всушност живееме“, коментира читателот кој го испрати видеото од грабежот.

Во второто видео, покрај генералниот грабеж за евтино месо, може да се видат и сцени купувачите се тепаат меѓу себе со чадори.

https://youtu.be/CqXshRxCLb0

Неодамна љубителите на ќебапи направија хаос во неколку продавници на „Лидл“ во Србија, борејќи се да добијат пакувања по ниска цена.

The post Уште една „тепачка“ во „Лидл“ во Србија, сега за евтино свинско appeared first on Република.

Општ хаос имаше вчера во маркетот „Лидл“ во белградската општина Борча поради акцијата на ќебапи која завршуваше тој ден. На социјалните мрежи се појави и снимка од тепачка меѓу повозрасни граѓани, а на неа се гледа и момент кога жена со горниот дел од телото влегува во фрижидерот и ги брани своите пакетчиња:

 

View this post on Instagram

 

A post shared by iKragujevac -Istina na 1.mestu (@ikragujevac)

Редици на купувачи се снимени и пред маркетот. Цената на ќебапите беше 168 денари по килограм.

The post Тепачка во „Лидл“, жена влегува во фрижидер и не пушта друг да ѝ ги земе ќебапите appeared first on Република.