Градоначалникот Тони Коњановски изврши увид на локации во Битола каде попладнево силниот ветер предизвика проблеми и вознемирување кај битолчани.

Со екипи на локалните јавни претпријатија и пожарникари од ТППЕ-Битола, Коњановски посочи јавните претпријатија „Комуналец“, „Нискоградба“, „Водовод“ и ТППЕ Битола, да извршат санација на местата каде е предизвикана штета.

Екипите дејствуваат координирано и ќе останат на терен се до расчистување на сите локации, соопштија од Општина Битола.

The post Се санираат штетите од силниот ветер во Битола appeared first on Република.

Националната установа Завод и Музеј, во Битола отвори Музеј на христијанското и исламското културно наследство, прв ваков објект во државата, на кој на иста локација се наоѓаат Јени џамија, а под неа откриените темели на црквата „Св. Ѓорѓи“.

Според Оливера Трајковска, директорка на Комисијата за односи со верските заедници и религиозни групи, овој споменик говори што значи да се биде едно, бидејќи на едно место почиваат темелите на една света црква и на една света џамија и тука не постои поделба.

Јени џамија и црквата „Св. Ѓорги“ од денеска се Музеј на христијанско и исламско културно наследство. Сите ние како луѓе сме верници без оглед на тоа на кој јазик го молиме Бога, без оглед на тоа со кој збор го ословуваме Бог, дали како Алах или како Господ Исус Христос...всушност сите ние веруваме и како верници треба да бидеме љубов. Под напливот на глобалистичките трендови со кои што некој се обидува да не раздели и да посее семе на омраза, ние треба да застанеме и да кажеме не, ширејќи љубов, посочи Трајковска.

Со овој мега проект, Националната установа Завод и Музеј го одбележува својот јубилеј, 90 години од формирањето, нагласи Зоран Николовски, директор на установата.

Првите археолошки ископување во Јени џамија почнаа во 2003 година под раководство на археологот Томе Јанакиевски, а подоцна и со други стручни лица кои работеа долги години и успеаја целосно да го реставрираат првиот дел од џамијата или тремот. Археолошкиот објект во иднина ќе биде Музеј и целосно отворен за јавноста и посетителите ќе се запознаат со историјатот кој датира од 7 до 11 век, истакна Николовски.

Според градоначалникот Тони Коњановски, новиот Музеј на христијанското и исламското културно наследство, ја потврдува историјата и значењето на Битола.

На овие балкански и европски простори Битола е еден светилник, раскрсница на христијанството и исламот, но и на разни премрежија кои градот ги минал низ вековите. Битола доби објект кој значи нова туристичка понуда со историска вредност, посочи Коњановски.

Новиот Музеј во Битола се наоѓа спроти градскиот часовник или како што вечерва на свеченото отворање беше нагласено, тоа е објект со длабоки темели на црквата „Св. Ѓорги“ и високо издигната Јени џамија.

The post Под Јени џамија откриени темелите на црквата „Св. Ѓорѓи“: Отвоен Музејот на христијанското и исламското културно наследство во Битола appeared first on Република.

На 12.11.2024 полициски службеници од СВР Битола по претходно добиена наредба за претрес од Основен суд Битола, извршиле претрес во Битола, во дом сопственост на А.Ј.(35) од Битола.

При претресот биле пронајдени и одземени една дозвола за оружје, 91 патрони за ловна пушка, 39 куршуми различен калибар, топовски удар, делови за оружје, како и различни предмети кои потекнуваат од извршени кривични дела.

А.Ј. бил приведен во полициска станица Битола и по документирање на настанот против него ќе следува соодветна пријава.

The post Кај битолчанец пронајдени куршуми, делови за оружје и плен од извршени кривични дела appeared first on Република.

Основното јавно обвинителство Битола до надлежниот суд поднесе предлог за определување мерка притвор против 23-годишник осомничен за две кривични дела – Полов напад и силување од член 186 став 7 во врска со став 1 од Кривичниот законик.

Против него е поведена постапка, бидејќи во два одвоени настани, на 9 септември и на 7 ноември, полово нападнал две млади девојки и започнал да ги допира. Жртвите и во двата случаи успеале самите да го оттурнат и да се ослободат, по што осомничениот бегал од местото на нападот.

Бидејќи се работи за кривично дело против половата слобода и моралот и затоа што постојат околности кои укажуваат дека осомничениот би ги повторувал ваквите напади доколку остане на слобода, надлежниот јавен обвинител предложи определување притворска мерка, која од Судот е прифатена, соопштија од ОЈО Битола.

Од МВР вчера соопштија дека во четрвртокот полициски службеници од СВР Битола го лишиле од слобода С.Ќ.(23) од битолско село, постапувајќи по претходна пријава дека во населба „Ушици“ во Битола допирал по телото 30-годишна жена од Битола.

The post Уапсен 23-годишен манијак кој се обиде да силува најмалку две девојки во Битола appeared first on Република.

Со претставата „Мојот маж“, Драмскиот театар Скопје ќе учествува во програмата за одбележување на јубилејот „80 години Народен театар – Битола“.

Вечерва со почеток во 20 часот, на сцената во Битолскиот театар, ансамблот на Драмски ќе гостува со претставата „Мојот маж“, работена според колажот од расказите на Румена Бужаровска и авторските монолози, во режија на Нела Витошевиќ. Драматург е Викторија Рангелова - Петровска. Драматизацијата е на Нела Витошевиќ и Викторија Рангелова - Петровска. Костимограф е Роза Трајчевска - Ристоска, сценограф е Костантин Трпеноски и асистент сценограф е Моника Ангелевска. Музиката е избор на Нела Витошевиќ.

Улогите во претставата ги толкуваат актерите: Сара Климоска, Емилија Мицевска, Наталија Теодосиева, Сања Арсовска, Трајанка Илиева - Вељиќ, Игор Ангелов, Филип Трајковиќ и Исмет Шабановиќ.

Драмски театар Скопје со оваа претстава имаше повеќе гостувања со извонреден прием од публиката. „Мојот маж“ се играше во „Београдско драмско позориште“, во Словенија на сцената на „Местно гледалишче“ во Љубљана, во Црна Гора во „Градско позориште“ во Подгорица и минатата година на летната сцена на Бриони на хрватското издание на фестивалот „РУТА“.
Претставата „Мојот маж“ е повеќекратно наградувана на најголемиот македонски театарски фестивал „Војдан Чернодрински“ и на меѓународните фестивали каде што учествувала. Драмски театар Скопје летово настапи во натпреварувачката програма на „Фестивалот на медитеранскиот театар Пургаторије 2024“ во Тиват, Црна Гора, каде екипата на „Мојот маж“ ја доби наградата за актерска бравура.

Наредната, 40. изведба на претставата е на матичната сцена во Драмски на 14 декември.

The post „Мојот маж“ на Драмски вечерва гостува во Битола appeared first on Република.

Едно лице загина во тешката сообраќајка што се случи вчера во Битола.

Како што соопшти МВР, о 12.39 часот во СВР Битола, било пријавено дека на ул.„8 Септември“ во Битола се случила сообраќајна несреќа помеѓу патничко моторно возило „шкода” со битолски регистарски ознаки, управувано од К.П.(71) од Битола и патничко моторно возило „форд” со битолски регистарски ознаки, управувано од Љ.П.(60) од Битола.

Возачот К.П. починал, а смрт констатирал доктор од Клиничка болница Битола.

Увидот во присуство на јавен обвинител го изврши увидната екипа на СВР Битола.

The post Загина битолчанец во директен судир на две возила appeared first on Република.

Во СВР Битола во вторникот претставници од Центарот за социјални грижи Битола пријавиле дека од основно училиште во Битола стигнало до нив известување дека ученик дошол во училиштето со телесни повреди.

Од страна на претставници на ЦСР и стручен кадар од училиштето бил извршен разговор со мајката и со сите нејзини три нејзини деца, ученици во второ, четврто и осмо одделение. Децата посочиле дека нивниот татко секојдневно ги тепал и ги малтретирал.

Од страна на полициски службеници од СВР Битола на 29.10.2024 во 20 часот лишен е од слобода Џ.Е.(43) од Битола и поднесена е кривична пријава по чл. 201 од КЗ „запуштање и малтретирање на малолетно дете”, соопшти МВР.

The post Уапсен битолчанец кој секој ден ги тепал и малтретирал трите деца, дури едно не се појавило претепано на училиште appeared first on Република.

Основното јавно обвинителство Битола поведе постапка против 39-годишен битолчанец, осомничен за дело – Противправно лишување од слобода од член 140 став 5 во врска со став 2 и со став 1, како и – Телесна повреда од член 130 став 2 во врска со став 1 од Кривичниот законик.

-На 21 октомври, при вршење на семејно насилство и на свиреп начин, осомничениот противправно ја затворил и ја држел затворена, а потоа и телесно ја повредил неговата поранешна партнерка. Оштетената, пред нејзината куќа, влегла во неговото возило. Тој започнал да вози и најпрво со тупаница ја удрил во пределот на главата. Потоа ја однел во неговата викендица во Нижеполе, каде насилно ја турнал, ја заклучил и додека ја држел затворена, еден час ја удирал со шлаканици, тупаници и клоци по главата и телото.

Оштетената не можела повеќе да го издржи ваквото негово насилничко однесување, па посегнала по нож од кујната со кој си ги исекла вените на левата рака. Но, осомничениот продолжил свирепо да ја удира, нанесувајќи и повеќе телесни повреди, информираат од Обвинителството.

Јавниот обвинител до судијата на претходна постапка достави предлог за определување мерка притвор, но осомничениот е во бегство, па притворската мерка ќе започне да се спроведува сметано од денот на неговото пронаоѓање, лишување од слобода и приведување.

The post Битолчанец ја затворил поранешната девојка, ја тепал, а таа си ги исекла вените appeared first on Република.

На 26.10.2024 полициски службеници од СВР Битола го лишиле од слобода Д.Р.(49) од Битола, затоа што при претрес во неговиот дом и помошни простории, извршен со судска наредба, биле пронајдени марихуана и прашкаста материја.

Д.Р. бил задржан во полициска станица и по документирање на случајот ќе следува соодветен поднесок.

The post Претрес во Битола, пронајдена дрога appeared first on Република.

Амбасадорот на Франција, Кристоф Ле Риголер, заедно со првиот секретар во амбасадата Даниел Меркез, остварија прва официјална посета на Општина Битола.

Од Општина Битола информираат дека на средба со градоначалникот Тони Коњановски и секретарот Борче Димитровски, гостите беа информирани за досегашната соработка на општината со францускиот конзулат во Битола и амбасадата на Франција и бројните заеднички реализирани проекти, а посебен акцент беше ставен на идните можности за зајакнување и продлабочување на соработката, на интересот за изучување на францускиот јазик во битолските училишта и други важни теми од економски и културен аспект.

Градоначалникот Коњановски и амбасадорот Ле Риголер по средбата во неговиот кабинет, ја посетија Гимназијата „Јосип Броз Тито“, каде имаа средба со раководството на училиштето, дел од професорите и со учениците кои изучуваат француски јазик.

The post Францускиот амбасадор во посета на Битола appeared first on Република.

Вчера во 09.55 часот во полициска станица во Битола било пријавено дека во куќа во с.Поешево, битолско, бил пронајден починат С.К.(75) од Австралија.

Смрт констатирал лекар од Итна медицинска помош Битола, а увид извршила увидната екипа на СВР Битола.

По наредба на јавен обвинител, телото на починатиот било дадено на обдукција.

The post Австралиец пронајден починат во Битола appeared first on Република.

Со доделување на наградите златна, сребрена и бронзена „Камера 300“ и со проекција на македонскиот филм „Убиј ги прво децата“ во режија на Димитар Оровчанец, во кој кинематографер е Владимир Самоиловски, вечер во Битола завршува ИФФК „Браќа Манаки“.

Во текот на фестивалот кој годинава се одржува под мотото „Еден е Манаки“ беа емитувани 67 филмови во повеќе натпреварувачки категории.

The post Во Битола вечерва завршува фестивалот на кинематограферите „Браќа Манаки“ appeared first on Република.

Во Битола на „Патека на славните“ откриени се ѕвезди на кинематограферите лауреати на ИФФК „Браќа Манаки“, Бруно Далбонел, Питер Бижу и Роби Милер.

На „Патеката на славните“ лично својата ѕвезда ја откри Питер Бижу, ланскиот добитник на наградата златна „Камера 300“ за животен опус.

Британскиот кинематографер Бижу својот прв и единствен Оскар го доби во 1988 година за американската драма „Мисисипи гори“ во режија на Алан Паркер, а во која настапија актерите Џин Хекман и Вилијам Дефо. Во плодната кариера на Бижу е сврстена соработката со познатата актерско-сценаристичка група „Монти Пајтон“.

На свеченоста во Битола, во присуство на директорот на фестивалот Симено Мони Дамески, лауреатот, Бижу силно викна – „Сите сме Манаки“!

Својата ѕвезда ја откри и францускиот кинематографер Бруно Далбонел, годинашен добитник на наградата Златна „Камера 300“ за животен опус.

Далбонел во Клубот на великаните на „Браќа Манаки“ прв пат стана лауреат во 2022 година кога беше награден со специјална златна „Камера 300“ за особен придонес во светската филмска уметност, а годинава и за животно дело. Далбонел освоил две од вкупно шест номинации за Оскар, а вечер во Битола во негова чест ќе биде емитуван филнот „Амели“.

Од денеска на Широк сокак за јавноста видлива е и ѕвездата на еден од најголемите светски кинематографери, Роби Милер од Холандија кој почина на 78 годишна возраст. Милер во 2002 година беше добитник на специјална награда златна „Камера 300“ за специјален придонес во филмската уметност, а во 2016 година беше награден со златна „Камера 300“ за животно дело.

The post Во Битола откриени ѕвезди на кинематограферите Бруно Далбонел, Питер Бижу и Роби Милер appeared first on Република.

СВР Битола до Основните јавни обвинителства во Битола, Прилеп, Ресен и Кичево поднесе кривични пријави против осум лица поради постоење основи на сомнение за сторени кривични дела „предизвикување на општа опасност“ по член 288 од Кривичниот законик, сторени во периодот од 15.06.2024 до 23.09.2024.

СВР Битола до ОЈО Битола поднесе кривична пријава против Г.А.(75) од Битола затоа што на 17.08.2024 запалил оган во просторот помеѓу дворот и градината до неговата куќа во с.Облаково, битолско, со намера да го изгори сметот, со што предизвикал пожар. СВР Битола поднесе кривична пријава и против Л.М.(53) од Битола затоа што на 10.08.2024, додека заварувал со апарат за заварување и сечел со брусалка, не го обезбедил местото и од искра предизвикал пожар на сува трева на гробиштата во с.Кременица, битолско.

ОВР Крушево, до ОЈО Прилеп поднесе кривична пријава против В.Ш.(56) од с.Пуста Река, крушевско, затоа што во дворот истурила пепелник од шпорет со жар, при што настанал пожар на сува трева, кој зафатил и плевна и борова шума над с.Пуста Река.

ОВР Македонски Брод до ОЈО Кичево поднесе кривична пријава против Т.Д.(57) од Прилеп затоа што на 05.08.2024 бил затекнат на место каде настанал пожар и кај него биле пронајдени предмети со кои го предизвикал пожарот. ОВР Прилеп до ОЈО Прилеп поднесе кривична пријава против Г.К.(54) од с.Штавица, прилепско, затоа што на 05.08.2024 запалил сува трева во својот имот, а огнот се проширил и зафатил сува трева во соседните парцели.

ОВР Ресен, до ОЈО Ресен поднесе кривична пријава против A.М.(43), М.П.(40) од Ресен и Ф.А.(52) од с.Алданци, крушевско. На 16.08.2024 ,А.М. ,поттикнат од второ и трето осомничениот, со шише бензин подметнал пожар кај помошната просторија кај место викано „Старски дом“, каде што живеат повеќе семејства. На тој начин тој го сторил делото „предизвикување на општа опасност“, казниво по член 288 во врска со член 23 од Кривичниот законик.

The post СВР Битола поднесе кривични пријави против осум лица поради предизвикување пожари appeared first on Република.

Во Битола попладнево беше промовирана „Патеката на славните“. Ѕвездите со впишаните имиња на браќата Манаки се поставени пред киното „Манаки“ и заедно со останатите ѕвезди, вкупно 18, долж Широк сокак до Офицерскиот дом.

На промоцијата присутни беа градоначалникот на Битола, Тони Коњановски, директорот на ИФФК „Браќа Манаки“, Симеон Мони Дамески и Милтон Манаки, внук на првите сниматели на Балканот, браќата Милтон и Јанаки Манаки.

Дамески истакна дека само еден град во светот има ѕвезди на лица кои од различни аспекти дале придонес во филмската професија, но дека не постои град во светот каде има ѕвезди на кинематографери, но дека од денеска тоа е градот Битола.

„Ние сме најстариот фестивал во светот каде се чествуваат кинематограферите. Каде, на кое место, ако не тука, да почнеме ваква работа! Има повеќе причини зошто го правиме ова. Првата е дека само осумнаесет од нашите бивши добитници на наградата за животно дело се живи, а од нив 14 се постари од 80 години, и ако не го направиме ова додека се живи, нема да ги видиме на 50. годишнина на фестивалот. Сите ќе ги поканиме, ќе дојдат во Битола и сите ќе бидат на едно место“, изјави Дамески.

На „Патеката на славните“ освен ѕвездите на браќата Манаки се и ѕвездите на Питер Бижу, Роби Милер, Џон Сели, Сер Роџер Дикинс, Крис Менгес, Кристијан Бергер, Валтер Карваљо, Данте Спиноти, Ентони Дод Ментл, Ед Лахман, Ричард Ленжевски, Хозе Луис Алкањ, Били Вилијамс, Свен Никвист и Бруно Далбонел.

Со оваа ‘Патека на славните’ на најубав начин успеавме да ги свртиме очите на филмската уметност, на индустријата во светот кон Битола. Сакаме да гледаат што тука се прави и сите да зборуваат за тоа. За овој настан во моментов пишуваат пет-шест најголеми светски списанија во кои веќе се промовира Битола, се промовира нашата земја како место во кое што се случуваат големи филмски работи. И, конечно, овој проект носи нови туристи, перспективи за фестивалот и други привилегии, вели Дамески.

Благодарност за идејата и реализацијата на проектот искажаа Милтон Манаки, кој ги откри ѕвездите на своите прадедовци Милтон и Јанаки Манаки, и градоначалникот Тони Коњановски кој го поддржа проектот на фестивалот.

The post На Широк сокак во Битола промовирана „Патеката на славните“ appeared first on Република.

Утре во Битола од 6 часот наутро до 18 часот попладнето СВР Битола ќе преземе посебен сообраќан режим, соопштија од битолската полиција.

Посебниот сообраќаен режим ќе се спроведе заради потребниот протокол на високи делегации кои ќe престојуваат во Битола, пoсочуваат од СВР Битола.

Утре на „Булевар 1 Мај“ на зоните Б1 и Б2 на потегот од местото викано „Црн мост“ до Безистен, СВР Битола ќе преземе посебен сообраќаен режим и притоа паркирањето на автомобили во периодот од 06:00 до 18:00 часот нема да биде дозволено. Сообраќајниот режим се спроведува заради потребите на протокол на високи делегации кои ќе бидат во официјална посета на општината, информираа од СВР Битола.

The post Од 6 до 18 часот утре посебен сообраќаен режим во Битола appeared first on Република.

Во Битола вечерва почна 45. издание на интернационалниот фестивал на филмската камера „Браќа Манаки“ кој годинава се одржува под мотото „Еден е Манаки“.

Најстариот светски фестивал на кинематогаферите за отворен го прогласи претседателката Гордана Силјановска Давкова која заради престој во странство, своите пораки ги искажа низ видео обраќање.

-Со право важниот и чудесен настан „Браќа Манаки“ ги слави и величи кинематограферите како волшебници и магионичари кои од приказната прават слика и филм. Сите ние имаме лична историја запишана во нашата или нечија меморија. Во книгите или во видеозаписите како што Милтон и Јанаки ги запишале и сочувале големите собитија на почетокот на 20 век, но и малите секојдневни работи и активности. Нивните записи се не само историја, туку и уметност, битолска, национална, регионална и светска. Да продолжиме да ги чествуваме и славиме браќата Манаки. Да ги сакаме, негуваме и славиме, филмот и уметноста, да го живееме животот, оти едни и единствени се браќата Манаки, порача претседателката Силјановска Давкова, прогласувајќи го фестивалот за отворен.

Според востановената традиција, на големата сцена во Битола беше доделена наградата „Златна Камера 300“ за животно дело која му припадна на францускиот кинематографер Бруно Далбонел, а ја врачи претседателот на владата Христијан Мицкоски, наградата за особен придонес во светската филмска уметност ја доби Јоланта Дилевска, а ја врачи градоначалникот Тони Коњановски.

Пред аудиториумот во Битола лауреатот Далбонел истакна дека тоа што сакам да го направам е да му вратам на киното за тоа што киното направи за мене, додека пак Дилевска посочи дека признанието е голема награда за сите филмски работници со кои што таа работела. И благодарам на Македонија за оваа награда, рече Дилевска.

Во името на градот домаќин, гостите ги поздрави градоначаликот Тони Коњановски кој нагласи дека Битола продолжува да биде креативен центар за најдобрите светски директори на фотографијата, откривајќи низ времето нови таленти кои денес важат за врвни уметници на филмската фотографија и кинематографија закитени со наградите од нашиот фестивал.

Церемонијалот на свечено отворање на фестивалот беше заокружен со доделување на наградата „Голема ѕвезда на македонскиот филм“, чиј годинашен добитник е Димитар Грбевски, македонски филмски и телевизиски монтажер.

На филмското платно во Битола во моментов се прикажува филмот „Партенопе“ во кој кинематогафер е Дариа Д’ Антонио.

Фото: МИА

The post Во Битола отворен фестивалот на кинематограферите „Браќа Манаки“ – „Еден е Манаки“ appeared first on Република.

Утре во Битола, од 7:30 до 11:30 часот, од почеток до завршување на спортската манифестација „Трчај, бе“ ќе се применува посебен режим на сообраќај.

Од СВР-Битола информираат дека посебниот режим на сообраќај ќе се одвива на булеварот „1-ви Мај“ во близина на Саат Кула од страна на Музичкото училиште во Битола до кружниот тек кај Педагошки факултет, потоа улица „Генерал Васко Карангелевски“ до кружниот тек кај маркетот „Веро“, а режим на сообраќај ќе има и на улиците „11-та Македонска Дивизија“ до базен Довлеџик, улица „Филип Втори Македонски“ до кружниот тек кај месноста Дулие, улица „Баталјон Стив Наумов“, улица „Прилепска“ до ул. „4-ти Ноември“ и од крстосницата на улица „Солунска“ до „Широк Сокак“.

Годинава во Битола на „Трчај, бе“ има 1.800 учесници од 25 држави, меѓу нив и учесници од Филипини, Индија, САД, Ерменија, Португалија, Шпанија, Бразил, Мексико, Австралија, Пакистан, Нигерија...

Организаторот апелира граѓаните да ги ослободат паркинг местата кај плоштад „Магнолија“, Саат Кула и на улицата „Солунска“ кај Широк Сокак, да ги набљудуваат и поздрават учесниците на трката „Трчај, бе“ и националното првенство во полумаратон, што утре ќе се одржи во Битола.

The post За време на трката „Трчај, бе 2024“, утре посебен режим на сообраќај во Битола appeared first on Република.

Над 450 гости кинематографери од САД, Велика Британија, Италија, Франција, Шпанија и Австралија заедно до домашната публика, вечерва во Битола ќе минат на црвениот килим за да го пролседат свеченото отворање на 45. издание на Фестивалот „Браќа Манаки“.

Меѓународниот собир и натпревар на кинематограферите ќе почне со доделување на наградата „Златна Камера 300“ за животно дело која годинава му припадна на францускиот кинематографер Бруно Далбонел, како и со доделување на наградата „Голема ѕвезда на македонскиот филм“, чиј добитник е Димитар Грбевски, македонски филмски и телевизиски монтажер.

На Широк сокак во Битола за првпат годинава ќе бидат откриени ѕвезди на сите досегашни добитници на наградата „Златна камера 300“ почнувајќи од браќата Манаки. „Патека на славните“ има 18 ѕвезди на кои се впишани имињата на Милтон Манаки, Јанаки Манаки, Питер Бизу, Роби Милер, Џон Сиели, Сер Роџер Дикинс, Крис Менгес, Кристијан Бергер, Валтер Карваљо, Данте Спиноти, Ентони Дод Мантл, Ед Лахман, Ричард Ленжевски, Хозе Луис Алкањ, Били Вилијамс, Јоргос Арванитис, Свен Никвист и Бруно Далбонел.

Директорот на Фестивалот Симеон Мони Дамевски во видео интервју за МИА направено во пресрет на Фестивалот откри дека „Патеката на славните“ ќе почнува од пред киното Манаки и ќе оди кон Офицерскиот дом.

Не постои друг град во светот освен Холивуд, каде на главната улица, на Широк сокак, ќе бидат поставени ѕвезди на сите добитници на наградата Златна камера 300 за животно дело со годината кога ги добиле почнувајќи од браќата Манаки, во чие име е направен фестивалот. Едниот има добиено почесна награда, годинава ќе му доделиме и на вториот постхумно. Ќе се обидеме да најдеме членови од семејствата кои се живи, разбрав каде може да има, ќе ги поканиме да дојдат, да им ја дадеме наградата за братот кој што никогаш не бил чествуван соодветно. Годинава на двајцата им ставаме посебни ѕвезди, истакна Дамевски во интервјуто.

Во текот на фестивалот којшто трае до 27 септември, ќе бидат емитувани 12 филмови во главната селекција за наградите „Камера 300“, почнувајќи од „Партенопе“, филм со кој вечерва почнува фестивалот.

The post Почнува 45. издание на Фестивалот „Браќа Манаки“, ќе бидат откриени ѕвезди на досегашните добитници на „Златна камера 300“ appeared first on Република.

На 19.09.2024 на ул. „Партизанска“ во Битола, полициски службеници од СВР Битола го лишиле од слобода С.Б.(29) од Битола.

Тој се сомничи дека околу 11.40 часот го запалил мопедот со битолски регистарски ознаки, сопственост на С.А. од Битола, кој претходно го управувал.

Увидот бил извршен и по целосно документирање на случајот ќе биде поднесена соодветна пријава.

The post Битолчанец му го изгорел мопедот на сограѓанин appeared first on Република.