Ракометарите на Вардар со ослабен состав не можеа да му парираат на Веспрем во Скопје, па европскиот шампион доживеа убедлив пораз (29:38) пред своите фанови.

Натпреварот во салата во СЦ „Јане Сандански“ мина во целосна доминација на гостите од Унгарија, кои предводени од Ненадиќ уште на полувреме водеа со 15:22, а во вториот дел стигнаа и до поголема предност, за рутински да ја остварат посакуваната победа со резултат 29:38.

За Вардар ова е трет пораз во серија во Лигата на шампионите, додека Веспрем стигна до четвртиот триумф по ред, со што останува на второто место во групата зад Кил.

Атман постигна 7 голови и беше најефикасен кај Вардар, додека во редовите на Веспрем се истакна Ненадиќ со 11 погодоци. Манасков постигна 1 гол од 3 обиди, а играше и постојано откако Штрлек доби црвен картон во првиот дел.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.