Македонскиот ракометен шампион Вардар денеска во рамките на 14 коло од СЕХА лигата, во Нови Сад ќе го одигра првиот дуел во 2019-та година. Овој меч е своевидно загревање пред претстојните важни мечеви во Лигата на шампионите против Рајн Некар и Веспрем.

Вардар попладнево на теренот ќе излезе без неколку ракометари. Игор Карачиќ доби пауза поради настапот на Мундијалот, додека поради повреда Борозан, Мораеш, Гедбан и Горбок најверојатно нема да настапат.

Вардар по 13 одиграни дуели го зазема второто место на табелата во регионалната лига со 11 победи и 2 порази, додека Војводина е на шестата позиција со 5 победи, 7 порази и едно реми.

Натпреварот во Нови Сад почнува од 17:15 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.