Македонската ракометна репрезентација денеска ги започна подготовките за последните два квалификациски натпревари на Европското првенство.

На списокот на тренерот Данило Брестовац се наоѓаат 22 ракометари, кои ќе бидат во трка за 16 места, кои ќе ја сочинуваат репрезентацијата на натпреварите со Турција и Грција.

На првиот собир на ракометарите, отсуствуваше Кире Лазаров, кој синоќа доцна го одигра последниот натпревар на француското првенство со тимот на Нант, а Филип Талески се очекува утре да се приклучи на групата, бидејќи вечерва ќе го одигра последниот натпревар во германската Бундеслига.

Следното европско првенство се одржува следната година, а домаќини ќе бидат три европски држави Шведска, Норвешка и Австрија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.