Ракометната селекција на Црна Гора ќе биде следниот противник на Македонија на Европското првенство. Натпреварот се игра во сабота од 18 часот, а на клупата треба да биде селекторот Зоран Рогановиќ.

Тој по седум дена доби негативен тест на коронавирус и се упати кон Унгарија. Сепак, во Дебрецен го чека уште еден круг на тестирање пред да добие дозвола за да биде на натпреварот.

Во составот немаше неколку ракометари поради коронавирус, а истите веројатно ќе ги нема ни против Македонија.

До овој момент позитивни се средниот бек Стеван Вујовиќ, пикерот Небојша Симовиќ, а од вчера позитивен е и десниот бек Стефан Чавор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.