Дваесетти јули е датумот што тренерот на Металург, Зоран Кастратовиќ, го одреди за почеток на подготовките за новата ракометна сезона во која металурзите покрај што ќе бидат дел од домашните натпреварувања, ќе играат и во новоформираната Лига Европа.

Тренерот Кастратовиќ се надева дека нема да има проблеми за навремен старт на подготовките.

„Се надевам дека на 20 јули ќе можеме непречено да ги почнеме подготовките за новата сезона. За првите два дена од подготовките се предвидени тестирања и лекарски прегледи, а потоа постепено почнуваме со стандардните тренинзи за физичка и техничко-тактичка подготовка. Во Автокоманда ќе работиме до 30 јули, а потоа до 11 август подготовките ќе ги продолжиме во Маврово“, вели Кастратовиќ.

Металург досега ги донесе Хорват, Канкараш, Рниќ и Потиќ, а нови договори добија Поповиќ, Шилегов, Дупјачанец и Лазаревски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.