Уште едно големо натпреварување е пред македонската ракометна репрезентација. Кирил Лазаров и момците денеска ги дознаа противниците за ЕП 2022 година кое ќе се одржи во Унгарија и Словачка.

Нашите ракометари се најдоа во групата А заедно со Словенија, Црна Гора и Данска, мечевите ќе се играат во Дебрецин. Вториот по големина унгарски град ќе биде базата на македонските фанови, сите се надеваат дека до 13. јануари следната година пандемијата коронавирус нема да „беснее“, а Арените ќе бидат исполнети со навивачи.

Сите оние кои сакаат од лице место да ги бодрат нашите репрезентативци веќе од утре ќе можат да купат билети. На официјалната страница на ЕХФ е потврдено дека за Дебрецин ќе можат да се купат и пакет карти за сите три меча. Салата „Феникс“ има капацитет од 8.000 места.

Дополнителни информации за билетите можете да најдете на овој ЛИНК.

Македонија на 13. јануари следната година ќе ги одмери со силите во првиот меч од ЕП, два дена подоцна е дуелот со Црна Гора, додека на 17. јануари ќе играме против Данска. Само првите две репрезентации од секоја група одат во следната рунда.

Извор: СпортМедиа

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.