Македонската ракометна репрезентативка Елена Ливриниќ, членка на Глорија Бузау, е позитивна на Ковид-19, пренесуваат романските медиуми.

Ова е втор случај на коронавирус во женската ракометна лига во Романија, откако претходно ракометарка на Крајова беше позитивна на тестовите на Ковид-19. Сега, за жал, и македонската ракометарка која летово од Рапид Букурешт се пресели во Глорија Бузау.

Пред почетокот на подготовките за новата сезона, сите ракометарки на Глорија беа тестирани на коронавирусот а единствено кај 25-годишната Ливриниќ тестот е позитивен.

Македонската репрезентативка сега е во карантин, во домашна изолација, а во самоизолација ќе бидат и нејзината цимерка Патришија Морару и двајца членови на стручниот штаб.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.