Знамето на Македонија, заедно со неговите иницијали и бројот на дресот 7 ги красат новите патики на најдобриот македонски ракометар Кирил Лазаров, специјално дизајнирани од производителот „Хумел“ за завршниот турнир од Лигата на шампионите претстојниот викенд во Келн.

За селекторот и капитен на македонската репрезентација тоа ќе биде седми фајналфор и деветто полуфинале во најсилното клупско ракометно натпреварување во Европа, во кое неговиот Нант в сабота во арената „Ланксес“ ќе се судри со Барселона. Во другиот дуел за финалето ќе играат Пари Сен Жермен и дебитантот Олборг од Данска.

Токму со каталонскиот гигант Лазаров во 2015 година го освои својот единствен шампионски пехар во ЛШ, каде што со Нант ќе атакува на своето петто финале.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.