По минималниот пораз од Чешка во второто коло од групната фаза на ЕП 2020, за Македонија се уште постојат шанси да влезе меѓу 12-те најдобри екипи во Европа. Треба да се победи на последниот меч против Австрија во вторник во Виена. Тешко, не и невозможно, смета Борко Ристовски, голман на македонската ракометна репрезентација која утре со Австрија го игра решавачкиот меч во групата Б на Европското првенство (ЕП). Потребна е победа од најмалку два гола разлика за пласман на најдобрите македонски ракометари во втората фаза на шампионатот.

По поразот од Чешка вчера (25-27) не стивнуваат реакциите во јавноста, а Ристовски одговори на критиките.

Морам да признаам дека не спиевме најдобро, барем јас. И не треба да се спие мирно после секој пораз. Таков е спортот… Тоа е притисок, разочарување, едноставно емоциите кога играте за својот народ и држава се преголеми. Јас сум во репрезентацијата околу 15 години и морам да признаам дека по првпат го почувствував притисокот на политиката на свој грб.
Убаво школо. Корисен дел од мојот живот во и надвор од спортот. Меѓутоа оние што ме познаваат знаат дека јас не сум човек што се откажува ниту повлекува. Бидете сигурни дека нема да се повлечам ниту чекор назад на нападите и критиките кои што се дел апсолутно заслужени и ги прифаќам, но поголем број се орекстрирани политички но има и такви што се лични фрустрации, вели Ристовски.

За оние критичари кои секогаш се јавуваат после поразите вели.

„Велат дека глувците излегуваат на површина во случај на поплави и земјотреси. Така и сега. Ова се нивните 5 минути. Нека ги искористат добро затоа што многу брзо ќе завршат.
Ние (репрезентацијата) имаме незавршена работа во Виена. Не чека натпревар кој е премногу важем за да ги разочараме вистинските македонски навивачи и оние поддржувачи кои одвоиле од својата уста за да дојдат тука и да не бодрат, и сите оние што испратија неколку илјади пораки изминатата ноќ.
Ете затоа се игра за Македонија. Заради својата гордост, својата чест. Честа на своето семејство и народ. А сите оние на кои им смета македонското знаме, македонската химна, македонскиот народ се во огромно малцинство, за наша среќа.

А во вторник има важна задача.

„Затоа воопшто не е важно кој за која партија е. Важно е во вторник сите заедно сплотени да одиме на победа која не носи во вториот круг. Да живее Македонија!

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.