Ракометарите на битолски „Еурофарм Пелистер“ и скопски „Вардар 1961“ ја оправдаа фаворитската улога во полуфиналните пресметки на завршниот турнир во Македонскиот куп што се одржа во Кавадарци и ќе играат за трофејот во неделното финале.

Еурофарм Пелистер не дозволи изненадување и со 26-21 (16-9) го совлада Бутел во полуфиналето.

Пласман во финалето обезбеди и бранителот на трофејот Вардар со триумф над Еурофарм Пелистер 2 со 28-24.

На програмата денеска се двете полуфинални пресметки во женскиот ракометен куп меѓу ЖРК Куманово – ЖРК Металург (14 часот) и Ѓорче Петров ЖРК – ЖРК Чаир (17 часот).

Машкото финале ќе се игра в недела со почеток во 19:30 часот, а претходно од 17 часот е натпреварот за трофејот во женска конкуренција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.