Тимот на Лемго, каде што брани македонскиот голман Борко Ристовски, обезбеди место во четвртфиналето на Купот на Германија.

Лемго во вториот дел го скрши отпорот на второлигашот Елбфлоренц и најмногу по заслуги на Ристовски славеше со 32-27.

Македонскиот чувар на мрежата влезе во игра во 24 минута и бранеше до крајот на мечот. За тоа време успеа да одбрани осум удари, но со фантастичен процент од 43%!

Покрај Лемго, во четвртфиналето пласман обезбедија Гумерсбах, Магдебург и Рајн Некар Левен, додека утре ќе бидат познати уште четири патника во фазата пред Ф4.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.