Македонскиот одбојкари ја забележаа втората победа на турнирот во Шлагелсе од Европската сребрена лига, триумфирајќи попладнево со 3:1 над Израел.

Во неизвесен натпревар што траеше речиси два ипол часа, Израел поведе со 25:16, по што избраниците на селекторот Никола Матијашевиќ ги решија во своја корист следните три сета со 32:30, 31:29 и 25:23.

Македонските одбојкари утре од 16 часот против Кипар го играат последниот натпревар пред завршниот турнир во Европската сребрена лига, на кој ќе бидат домаќини во Струмица од 3 до 5 јуни.

По пет одиграни натпревари во групата А, македонскиот состав е првопласиран со ефект од четири победи и еден пораз.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.