Македонскиот автомобилист Игор Стефановски остана без пласман на втората трка од првенството на ТЦР Италија, откако денеска излета од патеката во Монца и предвреме ја заврши трката.

Инцидентот се случи на шест минути пред крајот на трката и завршниот круг, во моменти кога Стефановски беше седмопласиран на патеката и натпреварувачот зад него Душан Курил имаше близок контакт со возилото на македонскиот автомобилист. По контактот, Стефановски со своето „Хјундаи“ удри во заштитната ограда и остана без пласман.

Стефановски вчера на премиерната трка беше четвртопласиран, а втора победа сезонава денеска оствари актуелниот шампион Салваторе Тавани

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.