Италијанскиот тенисер Фабио Фоњини ја доведе во прашање сериозноста на повредата на Рафаел Надал.

– Се разбира… Тој играше 4 часа и 20 минути. Момци, престанете да верувате во се што е напишано, ве молам!!! – напиша Фоњини на своите профили на социјалните мрежи.

Вчеравечер Надал го победи Американецот Тејлор Фриц во меч кој траеше за 4 часа и 20 минути и покрај проблемите со стомачните мускули (3:6, 7:5, 3:6, 7:5, 7:6). Во вториот сет 22-кратниот победник на Грен слем зеде медицински тајм-аут.

Следен противник на Шпанецот ќе биде Австралиецот Ник Кирјос. Тие ќе се борат за пласман во финалето на Вимблдон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.