Сите тенисери кои сакаат да добијат виза за учество на Австралија опен на почетокот на следната година, мора да бидат целосно вакцинирани. Ова денеска уште еднаш го потврди и објави австралискиот министер за имиграција, Алекс Хок.

Новак Ѓоковиќ, кој е актуелен шампион на Австралија опен, досега одбиваше да открие дали е вакциниран, и рече дека не е сигурен дека ќе ја брани титулата во Мелбурн.

На сите спортисти им се потребни две дози вакцина ако сакаат да ја посетат Австралија. Ова не се однесува само за тенисерите, туку и за секој странец кој сака да дојде. Немам посебна порака за Новак. Апелирам до сите што сакаат да дојдат во Австралија дека мора да бидат целосно вакцинирани – потенцираше министерот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.