Центарот за Детроит Пистонс, Кристијан Вуд е позитивен за коронавирус, се вели во извештаите на американските медиуми. Тој е третиот познат НБА играч до денес со КОВИД-19 по Руди Гобер и Донован Мичел од Јута џез. Детроит потврди дека имаат играч со позитивен тест, но не го открија неговото име.

Ги добивме тестовите денес (сабота) и тие се позитивни. Здравјето на нашите играчи, нашите членови, апсолутно сите во лигата и на оние кои се погодени од вирусот е од најголема важност за нас. Ние ќе ја продолжиме соработката со медицинската заедница. Тимот и самите здравствени власти се во изолација и ќе останат под внимателно набудување во наредните денови, соопштија од Детроит.

„Атлетик“ известува дека Вуд ги почувствувал симптомите на коронавирус во четвртокот и веднаш бил тестиран. Неговиот агент, Адам Пенсак, изјави за „Детроит њуз“ дека „тој е 100 проценти добро“

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.