Кошаркарите на Торонто избегнаа елиминација од плејофот во НБА лигата совладувајќи ја Филаделфија на домашен терен со 110:102 во четвртиот натпревар од првото коло во Источната конференција.

Филаделфија сега води со 3-1 во серијата до четири победи и ќе му биде домаќин на Торонто во петтиот натпревар, кој ќе се игра ноќта меѓу понеделник и вторник со почеток во два часот по средноевропско време.

Ниту една екипа во плејоф историјата на НБА не успеала да надомести негатива од 0-3.

Најзаслужен за премиерниот триумф на Торонто беше Паскал Сиакам со личен рекорд во плејофот од 34 поени, а кон тоа додаде осум скокови и пет асистенции.

Во неизвесна завршница во „Вивинт арена“, Јута го израмни резултатот на 2-2 со триумф од 100:99 над Далас, во чии редови се врати Лука Дончиќ со 30 поени.

Петтиот натпревар се игра ноќта меѓу понеделник и вторник во Далас со почеток во три часот по средноевропско време.

Резултати на останатите натпревари:

Бруклин – Бостон  103:109 (3-0)

Минесота – Мемфис  119:118 (2-2)



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.