Најдобриот кошаркар на Голден стејт, Стеф Кари, постигна девет поени, но Голден Стејт, сепак го совлада Мајами со 115:108.

Со ваквиот поентерски ефект, Кари не успеа да дојде до 100-от натпревар во низа на кој постигнал двоцфрен број поени. Кари имаше катастрофална реализација 3 од 17 од поле и 1 од 10 за три поени. Поентерската серија на Кари вклучуваше натпревари од регуларна сезона, плеј-оф и плеј-ин турнирот.

Во „отсуство“ на Кари, Џордан Пул беше најефикасен во редовите на Голден Стејт со 32 поени, додека Ендрју Вигинс постигна 22 поени.

Голден стејт има најдобар скор во НБА лигата со 28 победи и седум порази.

Петмина кошаркари кај Мајами имаа двоцифрен број поени, а најефикасни беа Џими Батлер со 22 и Тајлер Хироу со 18 поени.

Резултати од останатите натпревари:

Филаделфија – Хјустон  133:113

Вашингтон – Шарлот  124:121

Бруклин – Мемфис  104:118

Чикаго – Орландо  102:98

Милвоки – Детроит  106:115

Њу Орлеанс – Јута  104:115

Далас – Денвер  103:89

Портланд – Атланта  136:131

ЛА Клиперс – Минесота  104:122

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.