Македонскиот кошаркарски првак МЗТ Скопје Аеродром загуби попладнево во неизвесен натпревар од екипата на Младост Земун со 82:75, завршувајќи го настапот на турнирот во Сараево во рамки на АБА 2 лигата со две победи и еден пораз.

Македонскиот тим имаше солидни плус седум поени разлика на полувреме (37:30), и иако ја загуби третата четвртина со 27:17, сепак, влезe во последните две минути од мечот со предност од 75:72. Финишот, меѓутоа, целосно му припадна на српскиот тим, кој со серија од 10:0 му го нанесе на МЗТ Скопје Аеродром четврти пораз во десеттиот натпревар во регионалната лига.

Најефикасен во редовите на МЗТ Скопје беше Американецот Феми Олуџоби со 18 поени.

Пред завршните три натпревари во АБА 2 лигата, кои се на програмата од 22 до 27 март во Златибор, екипата на МЗТ Скопје е четвретоплсиарана на табелата.

Претходно денеска, пораз во завршниот натпревар во Сараево претрпе и екипата на Работнички од Широки со 106:77

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.