Македонската кошаркарска федерација денеска соопшти дека не дозволува да се играат натпревари од плеј-офот и плеј-аутот во салите „Градски парк“ и „СРЦ Кале – малата сала“ во Скопје.

По инспекцијата, МКФ констатирала дека овие две сали не ги исполнуваат стандардите за одигрување на натпревари од Прва лига мажи, Супер-лига, плеј-аут и плеј-офот.

Клубовите кои ги имаа пријавено наведените сали за одигрување на натпревари, во дадениот рок не ги испочитуваа насоките од МКФ за санација и мерки за создавање потребни услови за одигрување на натпревари, поради што во спортските сали не се дозволува одигрување на кошаркарски натпревари од Прва лига мажи, Супер-лига, плеј аут и плеј оф. Клубовите ќе мора да пријават друга сала која ги исполнува стандардите за одигрување на натпревари од погоре наведените лиги, стои во соопштението на МКФ.

Во појаснувањето на оваа одлука се потсетува дека Управниот одбор на Македонската кошаркарска федерација одржан на ден 2 октомври 2018 година, како и инспекцијата направена на 26 јуни 2018 и потоа со конечна проверка на 3 април 2019 година, во спортските сали пријавени за одигрување на натпревари од прва лига мажи се констатирани несоодветните услови во наведените сали.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.