Кошаркарите на Лос Анџелес лејкерс го обезбедија првото место во Западната конференција од НБА лигата. Тие ноќеска во Орландо ја совладаа Јута со 116:108 и станаа недостижни за конкурентите за врвот на Запад.

Најефикасен за победата беше Ентони Дејвис со 42 поена.
За ЛА лејкерс првото место во Конференцијата е освоено по пауза од десет години, односно за прв пат по сезоната 2009/10. Тогаш тие ја освоија шампионската титула, последна од нивните 16.

На другите две средби одиграни ноќта понеделник кон вторник постигнати се овие резултати:
Њу Орлеанс – Мемфис 109:99
Филаделфија – Сан Антонио 132:130.

Лејкерс имаат биланс 51-15 (победи-порази), ЛА клиперс 45-21, Денвер 44-23, Хјустон 42-24, Јута 42-25,….

На Исток, лидер е Милвоки со 54-13, следуваат Торонто 48-18, Бостон 44-22, Мајами 42-25, Индијана 41-26

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.