Бразил е водечка земја во светски рамки според бројот на извезени фудбалери во странство пред Франција и Аргентина, покажува најновиот извештај на Меѓународниот центар за спортски студии (CIES) со седиште во Брисел, на кој македонскиот „фудбалски извоз“ е рангиран на 42. место со раст од 53 отсто во споредба со 2017 година.

Центарот за спортски студии во својата 380. неделна публикација објави листа на земји со најмногу фудбалери во 135 странски лиги на која водечка земја е Бразил со 1.218 играчи.

На второ место е Франција со 978 фудбалери кои настапуваат во странски лиги, а следат Аргентина (815), Англија (525), Германија (441), Колумбија (425), Шпанија (409), Хрватска (400), Србија (379) и Холандија (367).

Македонија е рангирана на 42 место со 92. фудбалери во странски лиги што е раст од 53 отсто во споредба со 2017 година, кога надвор од домашната лига настапуваа 60 фудбалери.

Извор: МИА


Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.