УЕФА донесе одлука по дисциплинска постапка иницирана против Англија по инцидентите во полуфиналниот натпревар на ЕВРО 2020 против Данска, информира веб-страницата на организацијата.

За време на изведување на пеналот на Хари Кејн, кон голманот на Данска, Каспер Шмајхел англиски навивачи насочи ласерско светло. Англиската фудбалска асоцијација е казнета вкупно со 30 илјади евра и за употребата на пиротехника на нејзините навивачи, како и за недолично однесување за време на интонирање на данската химна.

За потсетување, во финалето на ЕВРО 2020 Англија утревечер од 21 часот во Лондон на „Вембли“ ќе игра со Италија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.