Тренерот на Манчестер јунајтед, Оле Гунар Солскјер ги сподели своите впечатоци од трансферот на напаѓачот на ПСЖ, Единсон Кавани.

– Единсон е искусен професионалец кој секогаш прави сè за својот тим. Неговиот рекорд за клупски и национален тим е фантастичен и ние сме среќни што потпишавме со играч на ова ниво. Тој ќе донесе енергија, сила, лидерство и одличен менталитет во тимот, но што е најважно, ќе донесе голови. Досега имаше брилијантна кариера, освојувајќи трофеи во скоро секој клуб во кој играл и има уште многу да каже на највисоко ниво, изјави Солскјер за официјалната веб-страница на клубот.

Позицијата на норвешкиот стручњак во Манчестер почнува да станува несигурна, а таквиот развој на ситуацијата ќе добие на интензитет доколку тимот засилен со Кавани не ги оствари посакуваните резултати.

Манчестер јунајтед во неделата на домашен терен загуби од Тотенхем со 1:6.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.