Тренерот на Атлетико, Диего Симеоне му даде поддршка на  напаѓачот Антоан Гризман кој сè уште не ги покажува очекуваните игри.

– Во ред е, тој беше многу среќен што се врати. Во процес е на адаптација на сегашното Атлетико, кое е различно од она што го остави. Но, не се сомневам дека крајниот резултат ќе биде она на што се надеваме. Имаме среќа што го имаме. Ние сме на пат на кој секој играч треба да се приспособи. Ова не важи само за Гризман, туку и за Родриго де Пол. Антоан дојде во тимот за да ни даде повеќе стабилност , изјави Симеоне за „Спорт Макс“.

Атлетико го изнајми Гризман од Барселона до крајот на сезоната 2021/22. Оваа сезона, 30-годишниот Французин одигра четири натпревари за тимот од Мадрид и не постигна гол.

Атлетико кој е бранител на шампионскиот трофеј во шпанското првенство, по шест кола е лидер на табелата со 14 бода, еден повеќе од градскиот ривал Реал, но „кралевите“ имаат натпревар помалку

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.