Барселона синоќа славеше на стадионот „Алијанц“ во Торино против Јувентус со резултат 2:0, а љубителите на фудбалот немаа можност да видат нов судир помеѓу Кристијано Роналдо и Лионел Меси.

Португалецот е позитивен на коронавирусот и затоа ја пропушти пресметката со Барселона, но Каталонците не ја пропуштија можноста уште еднаш да посочат дека Лионел Меси е најдобриот фудбалер на сите времиња.

Меси синоќа постигна гол од белата точка за конечни 2:0, а по натпреварот неговиот клуб на Твитер напиша:

Среќни сме што имавте шанса да го видите најдоброто од сите времиња на вашиот терен.

Не требаше долго за Старата дама да одговори: “Веројатно сте погледнале во погрешен речник. Ќе ви го донесеме вистинскиот на Камп Ноу”.

Барселона има максимални шест бода од два натпревари по победата над Јувентус, додека Старата дама има три бода. Ференцварош и Динамо Киев ремизираа 2:2 и имаат по еден бод.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.