Во Сплит на 81-годишна возраст почина поранешниот славен фудбалер Славен Замбата. Тој е центарфор којшто со златни букви е запишан во историјата на Динамо, а настапуваше и за репрезентацијата на Југославија.

За „модрите“ од Загреб одигра повеќе од 250 натпревари, а постигна 156 голови. Како капитен, го предводеше Динамо до најголемиот успех на клубот, освојувањето на трофејот во Купот на саемски градови во сезоната 1966/67. Во таа антологиска сезона Замбата постигна вкупно 24 голови, од кои шест на патото кон европскиот пехар.

Замбата настапуваше и за репрезентацијата на Југославија во периодот од 1962 до 1968 година, а во националниот дрес постигна 21 гол во 31 одигран натпревар.

Тој беше капитен на репрезентацијата на Олимпијадата во Токио во 1964 година.

 

 

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.