Тимот на Перу го направи најголемото изненадување на Копа Америка, откако во четвртфиналето отстрани еден од фаворитите за освојување на трофејот – Уругвај.

Дуелот на „Арена Фонте Нова“ во Салвадор заврши со 0:0 во регуларното време, а Луис Суарез промаши за „урусите“ уште на почетокот при извршувањето на пеналите.

До крајот, ниту еден од изведувачите не погреши, па Перу продолжува вополуфиналето по 5: 4.

Уругвајците можат да жалат многу, бидејќи на три пати погодија стативи, а три гола беа поништени, од кои два по ВАР.

Перу ќе се соочи со шампионот Чиле во спор за место во финалето, а Бразил и Аргентина се среќаваат во другото полуфинале.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.