Новинарот Рафаел Хенцел, кој ја преживеа несреќата на авионот на Чапекоенсе во Колумбија, почина од срцев удар, јави „Б/Р“. За време на натпреварот во градот Чапеко, 45-годишниот Хенцел ја изгубил свеста. Тој бил однесен во болница, каде што наскоро умрел.

ФК Чапекоенсе изрази сочувство врска со смртта на Хенцел.

Авионската несреќа се случи на 29 ноември 2016 година кога тимот патуваше да го одигра финалето од Купот на Јужна Америка со колумбискиот Атлетико Национал. Радио коментаторот Хенцел беше еден од шесте луѓе кои успеаја да преживеат.

Причината за несреќата беше недостатокот на гориво, а во падот на авионот загинаа 71 од 77 патницви и членови на екипажот. Покрај Хенцел, преживеаја и тројца играчи на Чапкоенсе – Алан Русел, Џексон Фолман и Нето и двајца членови на екипажот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.