Шпанскиот фудбалски великан Реал Мадрид ги отфрли шпекулациите дека има намера да го врати во тимот Кристијано Роналдо.

– Реал Мадрид нема планови да го врати напаѓачот на Јувентус. Идејата за враќање на Португалецот не спаѓа во спортската политика на клубот, објави „АС“, повикувајќи се на извор во раководството на Реал.

Претседателот, Флорентино Перез, го цени Роналдо за неговиот придонес во историјата на тимот, но смета дека „неговото време веќе помина и спортските задачи се различни“, се додава во информацијата на шпанскиот медиум.

За потсетување, Роналдо се пресели од Реал Мадрид во Јувентус во летото 2018 година за 112 милиони евра

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.