Бугарскиот коментатор на натпреварот меѓу ЦСКА Софија и Македонија Ѓорче Петров не ја испушти можноста да ја вмеша политиката и политичките прашања во дуелот од Конференциската лига на УЕФА.

Некаде пред карјот на првото полувреме, при водство на бугарскиот тим од 1:0, без да биде испровоциран од ништо, наместо да ги коментира случувањата на теренот, си зеде за право да го толкува името на Македонија Ѓорче Петров.

Притоа, тој на гледачите „им објасни“ дека Ѓорче Петров бил бугарски револуционер, кој членувал во бугарската македонско-одринска револуционерна организација.

Во таа пригода, бугарскиот коментатор се пофали и дека во Софија има улица што го носи името на Ѓорче Петров.

Следете во живо: Линк од натпреварот меѓу ЦСКА Софија и Македонија Ѓорче Петров

Освен ваквото „објаснување“ за идеалите на Ѓорче Петров, коментаторот во неколку наврати играчите на Македонија Ѓорче Петров ги нарекуваше Северномакедонците или северномакедонските фудбалери.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.