Бразил уште еднаш покажа зошто е еден од најголемите фаворити на Мундијалот и лесно избори пласман во четвртфиналето.

Кариоките“ немаа проблем против Јужна Кореја и ја завршија работата за едно полувреме, откако постигнаа четири гола.

Резултатот го отвори Винисиус, а само неколку минути подоцна Нејмар беше прецизен од белата точка за 2:0.

Потоа следуваше прекрасна акција која со гол ја заврши Ричарлисон, а неколу минути подоцна Пакета зголеми на 4:0.

Во вториот дел Бразил го намали темпото, но повторно создаде неколку одлични шанси преку Рафиња, кој не успеа да постигне гол.

Јужна Кореја постигна почесен гол преку Сеунг-Хо во 76-та минута, што на крајот се покажа како конечен резултат.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.