Тренерот на Милан, Стефано Пиоли по синоќешната победа во 7. коло од италијанското првенство против Аталанта (3:2), рече дека неговиот тим покажува напредок.

– Милан одигра одлично – со соодветен интензитет, енергија и квалитет. Ова е одличен крај на серијата тешки натпревари. Милан напредува и во Лигата на шампионите и во Серија А, затоа треба да продолжиме во тој дух. Аталанта отсекогаш ни давала големи проблеми. Играат добро на ниво на врвна екипа, така што имајќи можност да играме со нив на исто ниво и да ги победиме, навистина напредуваме, истакна Пиоли за „Фудбал Италија“.

Милан со 19 бода е на второто место во поредокот во Серија А, Аталанта е на осмата позиција со 11 бодови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.