Аргентинската фудбалска легенда Диего Марадона, ќе биде подложен на операција поради згрутчување на крв во мозокот, известија во вторникот аргентинските медиуми пренесувајќи ја изјавата на неговиот лекар.

Ќе го оперираат. Станува збор за рутинска операција“, изјавил лекарот Леополдо Луке на прес-конференција во клиника северно од аргентинската престолнина Буенос Аирес.

Шеесетгодишниот Марадона од понеделникот е хоспитализиран поради анемија и дехидрираност, иако неговата состојба почнала да се поправа. Меѓутоа прегледот со компјутерска томографија покажал крвно згрутчување во мозокот кое бара итна операција.

Марадона на почетокот од минатата седмциа заврши во самоизолацја поради контакт со лице заразено со коронавирусот, но сепак се појави во петокот на својот роденден на мечот на Гимназија каде е тренер. Како што известија медиумите, Аргентинецот го напуштил стадионот прикрепувајќи се за двајцата телохранители и изгледал многу лошо.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.