Тренерот на Лајпциг, Јулијан Нагелсман зборуваше за елиминацијата на Манчестер сити од Лигата на шампионите. Вицешампионот на Англија предводен од тренерот Пеп Гвардиола, загуби во четвртфиналето од Лион 1:3. Многу експерти сметаат дека необичната тактика на Сити со тројца централни дефанзивци е главна причина за поразот.

– Не можам да кажам ништо за одлуката на Пеп, затоа што не знам колку често тренираа со тројца бранители. Во секој случај, формацијата не беше доволно разработена. 4-3-3 или 3-4-3, мислам дека не е толку важно за Кевин де Брујн. На крајот на краиштата, ова се само индивидуални ситуации. Премногу е лесно да се обвинуваат тактиките. Ако победеше Манчестер, сите ќе кажеа: „Тактика од светска класа! Тој ги изненади сите! – изјави Нагелсман.

Лајпциг утре во полуфиналето од ЛШ ќе игра со ПСЖ, додека Лион задутре ќе се сретне со Баерн Минхен

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.