По обвинувања на Лионел Меси до Фудбалска федерација на Јужна Америка во однос на организација на годинешната Копа Америка, од оваа организација излегоа со реакција преку соопштение до јавноста.

– Воопшто не е прифатливо, врз основа на поедини инциденти во натпреварувањето, во кое под истите услови учествуваат 12 екипи, да се изнесат тешки, неосновани и лажни обвиненија и да се доведе во прашање чесноста и регуларноста на Копа Америка “, се вели во соопштението на КОНМЕБОЛ.

Од ова организација додаваат дека основата на фер-плејот е да се прифатат резултатите со почит, и дека истото важи и за процените на судењето на судиите, кои зависат и од човечкиот фактор и секогаш ќе бидат предмет на подобрувања.

Меси јавно ги обвини судиите по натпреварот против Бразил, дека Аргентина не добила два чисти пенали, но и дека целото првенство е наместено и дека домаќинот сигурно ќе биде шампион.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.