Денеска се одигра последното коло од групата „Д“ на ЕУРО 2020, по која Англија, Хрватска и Чешка сигурно продолжуваат во 1/8 финалето, и тоа Англија како првопласирана без примен, а со два дадени гола, додека Хрватска како второпласирана со победата над Шкотска во Глазгов со што освои четири бода, и благодарение на подобрата гол разлика е пред Шкотска.

Англија со голот на Стерлинг во првиот дел ја совлада Чешка и така продолжи во 1/8 финалето. Чешка, пак, го забележа првиот пораз на првенството.

Хрватска кога беше најмногу потребно, ја совлада Шкотска со 3:1. Хрватите речиси во целиот меч имаа контрола на играта и на крајот освоија важни три бода. Поведоа преку Влашиќ, но Шкотска израмни пред крајот на полувремето преку МекГрегор.

Меѓутоа во вториот дел Модриќ со убав гол донесе ново водство за Хрватска, а Перишиќ со глава стави печат на победата на „коцкастите“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.