Англија ја победи Данска со 2-1 на „Вембли“ во полуфиналето на ЕУРО. Англија дојде до победата со голот на Хари Кејн во 104-та минута. Пеналот на Кејн најпрво го сопре Каспер Шмајхел, но англискиот капитен погоди од одбиената топка.

Тој пенал го досуди холандскиот судија Дани Макели, а одлуката беше многу сомнителна. Многумина се согласуваат дека Рахим Стерлинг исценира пенал со кој Англија се пласира во финалето, во кое ќе игра против Италија во недела од 21 часот на „Вембли“.

„Газета дело Спорт“ пишува дека пеналот за Англија била враќање на услугата на британскиот премиер Борис Џонсон. Недвосмислено се тврди дека УЕФА му ја вратила услугата на британскиот премиер поради стопирање на контроверзната Супер лига.

„Италија претпазливо: Англија во финалето по ветрот (политички)“, гласи насловот на „Газета“.

Текстот продолжува:

Многу великодушно досудениот пенал што му дозволи на тимот на Саутгејт да ја елиминира Данска ги потврдува сомнежите за враќање на услугата на Борис JЏонсон, кој се смета за спасител на европскиот фудбал по нападот на Суперлигата. Во мај, фудбалскиот свет го потресе веста дека најбогатите европски клубови сакаат да формираат Супер лига. Во него требаше да учествуваат пет англиски клуба: Арсенал, Челзи, Манчестер Сити, Манчестер Јунајтед и Тотенхем.

Џонсон беше еден од најжестоките критичари на Суперлигата и најави дека ќе стори се што може за да не се случи.

„Ќе сториме се што можеме за да се осигуриме дека предлогот нема да се спроведе. Не мислам дека ова е добра вест за навивачите, ниту за фудбалот во оваа земја“, рече Џонсон во мај.

Суперлигата на крајот не заживеа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.