Потпишан е договорот помеѓу компанијата „Blue sky investments“ и сопственикот Слободан Крстевски од една страна и Сергеј Самсоненко од друга страна. Преземени се акциите од страна на новиот сосптвеник и тој од денеска и официјално раководи и менаџира со најтрофејниот клуб во Македонија.

Со ова официјално и завршува ерата на Сергеј Самсоненко, чиишто обврски кон оние на кои им се должат парични средства, допрва ќе бидат регулирани во периодот кој следува. Најбитно е што Вардар тргнува од „мртва“ точка и ќе продолжи да функционира нормално како второлигаш.

Тренерот Горан Симов: Старт на подготовките в сабота

Официјално, Вардар ќе стартува со подготовки в сабота на 10 јули со почеток од 19:30 часот на Арената Тодор Проески. Едноставно Вардар мора да стартува дома, онака како што му личи на најтрофејниот клуб, було тој да е прволигаш или второлигаш. Тренер е Горан Симов, тоа е сега веќе дефинитивно, а за играчкиот кадар допрва ќе се разговара. Голем дел од играчите си заминаа, заминуваат и во моментов, па ќе видиме новата управа со што ќе располага на стартот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.