Фудбалската федерација на Македонија (ФФМ), заедно со преостанатите 54. Национални фудбалски асоцијации во Европа ќе добијат по 17 милиони евра од УЕФА за развојни проекти за периодот од 2024 до 2028 година.

Одлуката е донесена на дводневниот 46. редовен Конгрес на УЕФА што денеска заврши во Виена, а на кој учествуваше и висока делегација на ФФМ, предводена од претседателот Муамед Сејдини.

Како што е соопштено, помеѓу 2024 и 2028 година, секоја национална федерација на Стариот континет ќе има на располагање 17 милиони евра за програми за едукација и развој, како што се програмите за општествена одговорност, обука на тренери и судии и за финансирање на фудбалската инфраструктура.

Од почетокот на програмата „Хет-трик“ во 2004 година, УЕФА во европскиот фудбал досега инвестираше 2.5 милијарди евра.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.