Еден од двата полуфинални натпревари, како и финалето на ЕУРО2020, чиј домаќин е Лондон, ќе можат да се играат во присуство на 40.000 гледачи на трибините на стадионот „Вембли“, соопштија денеска британските власти.

Владата во Лондон ги одобри плановите за 20 пилот настани, кои ќе мижат да се одржат во присуство на публика, вклучувајќи го Европското фудбалско првенство и претстојниот тениски турнир во Вимблдон.

– Би сакале да собереме докази за тоа како главните настани можеме да ги отвориме за јавноста со цел истите да се одвиваат безбедно, и што е уште поважно, да можат да останат од отворен карактер, изјави британскиот министер за култура Оливер Доуден.

Навивачите, кои имаат обезбедено билети за натпреварите од ЕУРО2020 на „Вембли“ мораат да приложат доказ дека се вакцинирани против Ковид-19 или негативен тест на коронавирус.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.