Напаѓачот на Манчестер Јунјатед и капитен на португалската фудбалска репрезентација Кристијано Роналдо им се заблагодари на навивачите на Ливерпул за искажаната поддршка за време на премиерлигашкиот дуел на „Енфилд Роуд“, кој Португалецот го пропушти поради смртта на својот новороден син.

Еден свет … Еден спорт … Едно глобално семејство … Благодарам Енфилд. Јас и моето семејство никогаш нема да го заборавиме овој момент на почитување и сочувство – напиша Роналдо на Инстаграм.

Роналдо и неговата партнерка Георгина Родригез минатата есен објавија дека чекаат близнаци, а во понеделникот ја трогнаа јавноста со веста дека едно од двете новороденчиња починало.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.