Динамо Загреб забележа уште една победа во квалификациите за Лигата на Шампионите, овојпат со 2-0 на својот „Максимир“ против кипарскиот првак Омонија. Отпорот на гостите беше скршен во второто полувреме, откако првиот дел донесе сериозен проблем за „модрите“, поради повредата на капитенот Аријан Адеми.

Македонскиот репрезентативец падна како покосен на тревата жалејќи се на болка во мускулот, веднаш стана јасно дека проблемот не е наивен и тој мораше да биде заменет. Вториот македонски интернационалец, Стефан Ристовски, ги одигра сите 90 минути за Динамо на овој натпревар. Мајер го отвори резултатот во 65. минута, а конечните 2-0 ги постави Јакиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.