Македонскиот фудбалски прволигаш Работнички го именуваше Борче Христов за нов шеф на стручниот штаб.

Христов потпиша договор до јануари 2023 година и веќе го одржа првиот тренинг со тимот.

Му посакуваме топло добредојде на Борче Христов на тренерската функција. Веруваме дека со неговото долгогодишно искуство ќе воведе новитети во работата со тимот и Работнички ќе се движи во позитивна насока. Сите заедно сме ќе бидеме во функција на светла иднина на клубот – изјави спортскиот директор на „романтичарите“ Горан Станковски.

Христов ветува напорна работа и се надева дека многу брзо тимот ќе почне да функционира според неговите замисли.

Сакам да се заблагодарам за довербата на раководството на клубот. Работнички е голем предизвик за мене, можам да ветам напорна работа. Тимот поседува голем потенцијал, млади и талентирани фудбалери и ќе се потрудиме да го развиваме во вистинска насока – истакна новиот тренер.

Борче Христов на тренерското место во Работнички го наследува Александар Влахо кој вчера си поднесе оставка поради слаби резултати.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.