Кирил Џајковски го објави својот нов синглMusic Man, кој е претставен и со видео на неговите официјални интернет страници, а кој во официјална дистрибуција ќе се појави на 12-ти јули во издание на Филтер Лабел.

Повторно во соработка со пејачот Лајон Д, песната е мелодична комбинација од реге и џангл влијанија, промовирана во живо изминатиов период и одлично прифатена од публиката, за што сведочи и видеото од последниот настап на Кирил во Скопје.

Во петок, 12-ти јули, врвниот македонски уметник на електронската музика гостува со live настап на Д Фестивал во Дојран, каде што на главната бина ја предводи програмата за отворањето на Фестивалот. За оваа прилика, покрај неговиот концертен бенд и вокалистот Лајон Д, со Џајковски на сцената ќе настапи и ТК Вондер, како специјален гостин на ова издание на кое ќе бидат изведени и нови песни од нивната долгогодишна соработка.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.